სასტუმროები ყველაზე იაფად

ყველა სასტუმრო ერთ საიტზე

რა უპირატესობა აქვს სასტუმროს წინასწარ დაჯავშნას?

 

ეს არის საკითხი, რომლის მოგვარება ყველა მოგზაურსა თუ დამოუკიდებელ ტურისტს უწევს ადრე თუ გვიან.

მთავარი შეკითხვაზე - რა ჯობია, სასტუმროს წინასწარ დაჯავშნა ონლაინ სისტემით, თუ ამ საკითხის ადგილზე მოგვარება? - პასუხი ერთმნიშვნელოვანი შეიძლება ვერ იყოს, რადგან შესაძლოა გარკვეულ ვითარებაში სასტუმროს საკითხის ადგილზე მოგვარება სჯობდეს, თუმცა, ამ სტატიაში გვინდა ვისაუბროთ სასტუმროს ონლაინ-სისტემით წინასწარ დაჯავშნის უპირატესობებზე.



უპირველეს ყოვლის უნდა აღინიშნოს, რომ სასტუმროს წინასწარ დაჯავშნა სწორედ ონლაინ-სისტემიდან უფრო ხელსაყრელია და არა სასტუმროს ოფიციალური საიტიდან, ტურ-სააგენტოდან ან სატელეფონო ზარის მეშვეობით. რამდენადაც გასაკვირი არ უნდა იყოს, დაჯავშნის ონლაინ-სისტემებში ფასები გაცილებით იაფია ყველა სხვა დანარჩენთან შედარებით.



ქვემოთ ჩამოთვლილია ის კონკრეტული უპირატესობები, რაც სასტუმროს ონლაინ-სისტემის მეშვეობით დაჯავშნას აქვს:

  • პირველი უპირატესობა არის  დაბალი ფასი.

  • გარანტია და უსაფრთხოება - კომფორტი, სასტუმროს ონლაინ-სისტემით დაჯავშნის ერთ-ერთი მთავარი უპირატესობაა, რადგან თქვენ არ გჭირდებათ უცნობ ადგილას სიარული და სატუმროს ძებნა, თან ბარგით ხელში და ასევე დარწმუნებული და გარანტირებული ხართ ადგილზე ჩასვლისას საცხოვრებლით უზრუნველყოფაში. ეს არის ზუსტად ის უმთავრესი მიზეზი, რის გამოც ნამდვილად ღირს დაჯავშნის ონლაინ-სისტემების გამოყენება. აუცილებლად გაითვალისწინეთ, რომ ადგილზე ჩასვლის შემდეგ საცხოვრებლის ძებნა გარდა იმისა, რომ ძალიან გაგიჭირდებათ, რადგან ფაქტიურად სულ დაკავებულია, ორმაგი და შიძლება სამმაგიც კი დაგიჯდეთ - თქვენ გამოუვალ მდგომარეობაში ხართ, სასტუმროს მეპატრონე კი ამ მომენტს ნამდვილად სათავისოდ გამოიყენებს.

  • ონლაინ-სისტემით სასტუმროს დაჯავშნისას თქვენ შეგიძლიათ მონაწილეობა მიიღოთ ბონუს-პროგრამებში. მაგალითად, სისტემები ბონუს ქულებს იძლევიან ყოველ ჯავშანზე, სასტუმროსთან დაკავშირებით გამოხმაურებებზე - დაგროვილი ბონუს ქულების გამოყენებას შეძლებთ მომავალი ჯავშნის გაკეთებისას. ზოგჯერ ეს საგრძნობლად სარგებლიანია, თუმცა, ასეთი „გემრიელი ლუკმა“ მხოლოდ მათია, ვინც ძალიან ხშირად მოგზაურობს და ბონუს ქულების გამოყენებას მანამდე შეძლებს, სანამ ისინი აქტიურია.

  • დაჯავშნის ონლაინ სისტემის გამოყენებისას თქვენ გეძლევათ საშუალება საუკეთესო სასტუმროს ნომერი დაიქირაოთ თქვენთვის მისაღებ ფასად. თუმცა, ეს იმ შემთხვევაში, თუ ჯავშანს გამგზავრებამდე, სეზონამდე ან სადღესასწაულო დღეებამდე გაცილებით ადრე დაჯავშნით, რადგან კარგი სასტუმროები ყოველთვის წინდაწინ იჯავშნება ზოგჯერ რამოდენიმე თვით, ან სულაც ერთი წლით ადრე.

  • ონლაინ სისტემით ჯავშანის განხორციელებისას თქვენ საშუალება გეძლევათ სრული ინფორმაციის მიღების გარდა გაეცნოთ გამოხმაურებებს და შეფასებებს იმ სასტუმროს შესახებ, სადაც ღამისთევას აპირებთ. მომხმარებლების გამოხმაურებები მრავალფეროვანია და შესაბამისად თქვენ მიიღებთ ყველა საჭირო ინფორმაციას დაწყებული პერსონალისა და მომსახურების და დამთავრებული სასტუმროს ლოკაციისა და ინტერიერ-ექსტერიერის შეფასების შესახებ. რა თქმა უნდა საკუთარი თვალით ნანახი და საკუთარი ყურით მოსმენილი სულ სხვაა, მაგრამ გვერწმუნეთ ეს ინფორმაცია ძალიან სასარგებლო და პრაქტიკული იქნება თქვენთვის, მითუმეტეს მაშინ, თუ პირველად მოგზაურობთ და დანიშნულების ადგილს არ იცნობთ.



ასევე გაითვალისწინეთ, რომ სასტუმროების დაჯავშნისთვის საუკეთესო დრო გამგზავრებამდე 3-4 თვით ადრე პერიოდია - ასე თქვენ საუკეთესო ფასს მიიღებთ სასტუმროს ნომერზე. მაგალითად ევროპის ისეთ ქალაქებში, როგორიცაა პარიზი, ბარსელონა, რომი და ლონდონი, სასტუმროების ღირებულება დაახლოებით 53%-ით ნაკლებია, თუ ჯავშანს გამგზავრებამდე 1-2 თვით ადრე აკეთებთ. მიუნხენში ჯავშანი 5 თვით ადრე უნდა გააკეთოთ იმისათვის, რომ 60%-იანი დანაზოგი გქონდეთ. ბუდაპეშტში 4 თვით ადრე იზრუნეთ სასტუმროს დაჯავშნაზე, რაც თანხის ზუსტად ნახევარს დაგიზოგავთ ძვირადღირებული სეზონის ფასს თუ გავითვალისწინებთ. არაევროპული პოპულარული სასტუმროების დაჯავშნაზე, მაგალითად დუბაიში, სჯობს ასევე რამოდენიმე თვით ადრე იზრუნოთ სასტუმროს ნომრის დაჯავშნაზე, რაც დაახლოებით 20%-მდე დანაზოგის გაკეთების საშუალებას მოგცემთ.

 



იმედი გვაქვს, რომ სტატიაში მოყვანილი რჩევები და ინფორმაცია დაგეხმარებათ სწორად გადაჭრათ ეს არც თუ ისე მარტივი საკითხი. წაკითხული რჩევების პრაქტიკაში გამოცდისთვის  კი ეწვიეთ დაჯავშნის ონლაინ სისტემა price.ge-ზე, სადაც სასტუმროების დიდი არჩევნია მსოფლიოს სხვადასხვა ქვეყნებიდან, მარტივად მოიძიეთ ინფორმაცია თქვენთვის სასურველი ადგილმდებარეობის შესაბამის სასტუმროში, შეადარეთ შეთავაზებები და ჩვენი სისტემის გამოყენებით მიიღეთ მომსახურება ყველაზე იაფად!

სასტუმროს დაჯავშნა ერთადერთი სერვისი არ არის, რომელსაც price.ge გთავაზობთ, ჩვენი ონლაინ სისტემის გამოყენებით თქვენ შეგიძლიათ დაჯავშნოთ ავიაბილეთები, სპორტის და კონცერტების ბილეთები მთელი მსოფლიოს მასშტაბით, სადაც მოგესურვებათ! და რაც მთავარია - ყველაზე დაბალ ფასად!

 

სასიამოვნო მოგზაურობას  და დასვენებას გისურვებთ!