ყურსასმენები (განვადებით)
ბრენდი: sony
179
P
1 მაღაზია
ფასების ნახვა

ყურსასემენების შერჩევისას, საჭიროა ზუსტად იცოდეთ თუ რა ტიპის და მონაცმების მქონე მოყწყობილობა გჭირდებათ. რა თქმა უნდა ყურსასმენთან მიმართებაში ყველასთვის უმნიშვნელოვანესი პარამეტრია ხმის ხარისხი, თუმცა, გარკვეული ნაწილისთვის მნიშვნელოვანია მოცულობითი ბასი, სხვებისთვის - სუფთა და ფართოსპექტრიანი ხმოვანება, რაც ხაზს უსვამს საერთო ხმოვან პანორამას. არჩევანის გაკეთებისას გასათვალისწინებელ ფაქტორებს შორის არის ასევე: ხმის იზოლაცია, კომფორტულობა, წონა, კომპაქტურობა, ზომის ტიპი და ა.შ. თქვენ უნდა იცოდეთ ყურსასმენი ყოველდღიურად მობილურ ან MP3 მოწყობილობასთან გამოსაყენებლად გინდათ, თუ პროფესიონალური მოდელი გჭირდებათ ჩანაწერების მოსასმენად. თუ არჩევანის გაკეთება გიჭირთ, ჩვენი სტატია ნამდვილად დაგეხმარებათ გაერკვეთ ყურსასმენების მოდელებში, ტიპებსა და მონაცემებში, და შემდეგ გააზრებულად გააკეთოთ არჩევანი.

 

ყურსასმენების შეფასების საუკეთესო საშუალება არის მათი მოსმენა. ცნობილი ბრენდების მოწყობილობის შესაფასებლად კი უკეთესია მომხმარებელთა გამოხმაურებებს გაეცნოთ.

 

არსებობს რამოდენიმე ტიპის ყურსასმენი, ესენია:

 

სრულზომიანი: ასეთი ტიპის ყურსასმენი შეიძლება იყოს როგორც ღია, ისე დახურული. ისინი იდეალურია DJ-თვის და ხმაურიან სივრცეში აუდიო მონიტორინგისთვის.

 

ყურებზე დასადები: ამ ტიპის ყურსასმენი კონსტრუქციით ახლოს არის სრულზომიანთან, თუმცა იმ განსხვავებით, რომ მთლიანად არ ახდენს ყურის ნიჟარის დაფარვას.

 

ღია: ასეთი ტიპის ყურსასმენის დადებითი მხარე არის გამჭოლი, ღია ხმოვანება, რომელიც არ ახდენს სმენის დახშობას, რაც ყოველდღიურად მათი გამოყენების საშუალებას იძლევა.

 

ნახევრად ღია: ყურსასმენის ეს ტიპი, როგორც მისივე სახელწოდებიდან ჩანს, წარმოადგენს საშუალო ტიპის მოწყობილობას დახურულ და ღია ყურსასმენებს შორის. ის ხშირად გამოიყენება სტუდიური ჩაწერებისას ღია მიკროფონების გარეშე, რათა არ წარმოიშვას რეზონანსი.

 

დახურული ან დახშული: ეს ყურსასმენი არის ყველაზე მაღალი ხმის იზოლაციის დონის მქონე. მსგავსი მოწყობილობის უარყოფით მხარეს წარმოადგენს ის, რომ ყურსასმენი ახდენს სმენის დაქვეითებას მათი დიდი ხნით გამოყენების შემთხვევაში.

 

პორტატული ყურსასმენი: ეს არის ღია ტიპის მსუბუქი მოწყობილობა, რომელსაც ეცვლება ამბუშურები და გმაოიყენება სხვადასხვა პორტატულ ფლეერებთან.

 

ჩასასმელი: ეს არის ყველაზე მსუბუქი მოწყობილობა ყველა ტიპის ყურსასმენს შორის. ჩასასმელი ყურსასმენების საუკეთესო მოდელები გამოირჩევიან ხმის შესანიშნვი ხარისხით.

 

ხმის ჩამხშობი: ხმის ჩამხშობი ყურსასმენები შექმნილია გარე ხმაურის დახშობისთვის. ეფექტი მიიღწევა ხმის დახშობის აქტიური ტექნოლოგიის გამოყენებით.

 

უკაბელო: დღეისათვის არსებობს ბევრი ტიპის უკაბელო ყურსასმენი. მათ ხმაურის ნაკლები დონე აქვთ, ვიდრე დანარჩენებს, შესაბამისად ყველაზე ძვირადღირებულიც არის. უნდა აღინიშნოს, რომ ამ ტიპის ყურსასმენს მეტი ენერგოდანახარჯიც აქვს.

 

DJყურსასმენი: ეს არის სპეციალურად DJ-თვის განკუთვნილი ყურსასმენი. მათ უფრო მაღალი ხმოვანება აქვს, ვიდრე დანარჩენ მოდელებს, რადგან ასეთი ტიპის მოწყობილობა გათვლილია სწორედ ზედმეტად ხმაურიანი სივრცეებისთვის.

 

რომ შევაჯამოთ, ყურსასმენის არჩევისას ძირითადი და გასათვალისწინებელი პარამეტრებია:

 

- ტარებისას მოხერხებულობა და კომფორტულობა

- პორტატულობა

- სიმსუბუქე

- კაბელის ტიპი

 

კიდევ ერთი ფაქტორი, რომელიც უნდა გაითვალისწინოთ ყურსასმენის არჩევისას - ეს არის კაბელი - ერთმაგია თუ ორმაგი. ეს ფაქტორი მნიშვნელოვანია იქედან გამომდინარე, რომ ერთმაგ კაბელს აქვს მავთულების განცალკევების სქემა, რის საფუძველზეც ყოველი სიგნალი მიეწოდება შესაბამის ხმის გამაძლიერებელს. აქედან გამომდინარე, ყურსასმენების შეძენისას არჩევანი სწორედ ერთმაგი კაბელის მქონეზე კეთდება.