სახლი და რემონტი (განვადებით)

როგორ ვაქციოთ სახლის რემონტი სასიამოვნო პროცესად?

სახლის ან ბინის რემონტის გადაწყვეტილება მიღებულია. მის შესასრულებლად ორი გზა არსებობს. მაგალითად, თქვენ შეგიძლიათ დაიქირაოთ პროფესიონალების გუნდი, ან თავად გაარემონტოთ საცხოვრებელი, თუმცა ამისათვის უნდა იცოდეთ, რა არის საჭირო და როგორ გააკეთოთ რემონტი საკუთარი ხელით.

რემონტის სახეობები

თავდაპირველად, სანამ რემონტის საკუთარი ხელით გაკეთებას გადაწყვეტთ, საჭიროა განსაზღვროთ როგორი რემონტის გაკეთება გსურთ, რადგან არსებობს რამოდენიმე სახის რემონტი: კოსმეტიკური, კაპიტალური, ევრორემონტი და ექსკლუზიური რემონტი.

კოსმეტიკური რემონტი კეთდება იმისათვის, რომ მოხდეს ფართის განახლება. ასეთი სამუშაოების ჩამონათვალი მინიმალურია. ეს შეიძლება იყოს შპალერის გაკვრა, შეღებვა ან ჭერის გადაჭიმვა.

კაპიტალური რემონტი - ეს არის სარემონტო სამუშაოების მთელი კომპლექსი. ის ითვალისწინებს გადაგეგმვას, გათბობის, გაზიფიკაციის, წყალმომარაგების, ელექტროობის ქსელების შეცვლას და ა.შ.

ევრორემონტი ფართის ისეთ კონდიციამდე მიყვანას კულისხმობს, სადაც ადამიანები მაქსიმალურად კომფორტულად იგრძნობენ თავს. ასეთ დროს კეთდება მოჭიმული ჭერი, სწორდება იატაკი, რომელზეც იგება ხარისხიანი იატაკის მოსაპირკეთებელი მასალები, ელექტროწერტილების ჩამრთველებს ათავსებენ მოწესრიგებულად, საჭირო სიმაღლეზე და ა.შ.

ექსკლუზიური რემონტი – ეს არის რემონტის ელიტური სახეობა, რომლის დროსაც კეთდება დიზაინერული პროექტი და გამოიყენება ძვირადღირებული მასალები.

ყველაზე ხშირად, ბიუჯეტის სიმცირის გამო, როცა საკუთარი ხელით რემონტის გაკეთების გადაწყვეტილების მიღება ხდება, გამოიყენება კოსმეტიკური რემონტის სახეობა, რომელიც სრულდება იაფი მასალებით. საკუთარი ხელით ასევე შესაძლებელია ევრორემონტის გაკეთებაც, თუმცა გარკეულ საკითხებში გარკვევა აუცილებელი იქნება.

სანამ რემონტის საკუთარი ხელით კეთებას დაიწყებთ, აუცილებლად დაგჭირდებათ სამშენებლო-სარემონტო მასალების ბაზრის შესწავლა, ფასებისა და შესაძლებლობების გარკვევა, თქვენთვის საჭირო სამშენებლო-სარემონტო მასალების რაოდენობისა და სახეობის განსაზღვრა.

ასევე შეგიძლიათ ფურცელზე გააკეთოთ დაახლოებითი მონახაზი და გეგმა, თუ როგორ გსურთ საცხოვრებელი ფართის მოწყობა ან გადაკეთება. შემდეგ აუცილებლად უნდა აზომოთ სივრცე - გაიგოთ ჭერისა და კედლების სიგრძე-სიმაღლე, ჩაიწეროთ მონაცემები და ამ მონაცემებით წახვიდეთ საჭირო მასალების შესაძენად.
საღებავი, შპალერი, წებო შეგიძლიათ შეიძინოთ როგორც სამშენებლო მასალების ჰიპერმარკეტებში, ისე ბაზრობებსა და ონლაინ-მაღაზიებშიც. ბოლო ვარიანტი განსაკუთრებით ხელსაყრელია, თუ საკუთარი ავტომობილი არ გყავთ. ყველა გაწერილი დეტალით შეგიძლიათ მიუჯდეთ კომპიუტერს და ინტენერტ-მაღაზიის გვერდზე წარმოდგენილი სამშენებლო-სარემონტო მასალები შეარჩიოთ და დაუკვეთოთ სახლიდან გაუსვლელად. ამასთანავე, სახლში მიტანის სერვისის გარდა, საშუალება გაქვთ ისარგებლოთ ონლაინ-განვადებით, რომელიც ვრცელდება ნებისმიერ პროდუქტზე, რომელიც წარმოდგენილია ჩვენს ვებ-გვერდზე.

კარგად დაათვალიერეთ წარმოდგენილი მასალები, შეადარეთ სხვა ინტერნეტ შეთავაზებებს, ასეთ ხელსაყრელ ფასს, ნამდვილად ვერსად ნახავთ! ყველაფერი, რაც სახლისა და რემონტისთვის არის საჭირო, ჩვენთან ყველაზე იაფია!

გაითვალისწინეთ, რომ სამშენებლო-სარემონტო მასალების გათვლისას მიღებული რაოდეონობა ყოველთვის მეტობით უნდა შეიძინოთ, რადგან გათვლები შეიძლება ზუსტი არ აღმოჩნდეს, ან რაიმე გაუთვალისწინებელი შემთხვევის გამო დაგაკლდეთ და შემდეგ აქეთ-იქეთ სირბილი რომ არ დაგჭირდეთ, თადარიგის დაჭერა გონივრული გადაწყვეტილებაა. თუ ფლიზელინის შპალერის გაკვრას გადაწყვეტთ, აუცილებლად წებოც ასეთი ტიპის შპალერისთვის შეარჩიეთ, სხვა არ გააკრავს და გაწვალდებით. რემონტის დაწყებამდე მოამზადეთ სივრცე სათანადოდ. ყველა ნივთი, რომლებმაც შესაძლოა ხელი შეგიშალონ გაიტანეთ სხვა ოთახში. რაც დარჩება დაფარეთ ძველი გადასაფარებლით, გაზეთებით ან პოლიეთილენით, საღებავმა ან წებომ რომ არ დასვაროს.

სანამ რომელიმე სამშენებლო-სარემონტო მასალის გამოყენებას დაიწყეთ, აუცილებლად გაეცანით გამოყენების ინსტრუქციას.

რემონტი ჯერ ერთ სივრცეში დაიწყეთ, მიიყვანეთ ბოლომდე და სხვა სივრცეში გადადით ამის შემდეგ - ასე სამშენებლო ნარჩენებისა და ნაგვისგან დაიცავთ სახლის სხვა ნაწილს.

რაც მთავარია, რემონტის დაწყებამდე განსაზღვრეთ და მკაცრად დაიცავით ვადები, რომელსაც თავიდანვე გაწერთ რემონტის შესასრულებლად.

ერთ სტატიაში ყველაფერზე საუბარი, რაც საკუთარი ხელით რემონტის გაკეთებას სჭირდება ძალიან რთულია, მაგრამ ვფიქრობთ, რომ სასარგებლო რჩევებს ნამდვილად ამოიკითხავთ და გამოიყენებთ საკთარი დროისა და ფინანსების დასაგეგმად და დასაზოგად, შედეგად კი მიიღებთ განახლებულ და სურვილისამებრ გარემონტებულ საცხოვრებელ ფართს.