მაინერები (განვადებით)

რა უნდა ვიცოდეთ კრიპტო ვალუტის გამომუშავების შესახებ და არის თუ არა მაინინგი მომავლის ბიზნესი?

 

 

მაინინგის ბიზნეს-მოდელი რთული სულაც არ არის, მთელი ფილოსოფია მდგომარეობს მოწყობილობის შეძენასა და გამომუშავებული კრიპტო-ვალუტის ჩვეულებრივ ფულზე გადაცვლაში. თუმცა, სანამ მაინინგ-ბიზნესის სფეროში თავით გადაეშვებთი, საჭიროა იცოდეთ გარკვეული მომენტები, რომლებიც ერთგვარი ბარიერების სახით შეიძლება შეგხვდეთ დამწყებ მაინერებს. ჩვენ გიამბობთ ამ საკითხების შესახებ, ასევე შევეცდებით აგიხსნათ რას უნდა მიაქციოთ ყურადღება მოწყობილობის შეძენისას და რა რისკებს შეიძლება შეეჯახოს დამწყები მაინერი.

 

რა უნდა გაითვალისწინოთ მაინინგის დაწყებამდე

 

არსებობს მოსაზრება, რომ მაინინგის მთავარი ამოსავალი წერტილი არის კომპიუტერების რაოდენობა და იაფი ელექტროენერგია. ის დრო, როცა საკმარისი იყო ერთი ძლიერი კომპიუტერი ერთი ვიდეობარათით, უკვე კარგა ხანია გავიდა. იმისათვის, რომ შედეგი მიიღოთ და კრიპტო-ვალუტა გამოიმუშაოთ, საჭიროა მაინინგური ფერმა, ანუ ვიდეობარათების კასკადი, რომლებიც მიერთებულია ერთ ან რამდენიმე კომპიუტერთან. თუმცა, აუცილებლად უნდა გაითვალისწინოთ ერთი მომენტი - რაც უფრო მეტი ბარათები გექნებათ, მით უფრო დიდია მოთხოვნა კვების ბლოკსა და გაგრილების სისტემაზე.

დღეისათვის მაინინგისთვის გამოყოფენ დამოუკიდებელ, არასაცხოვრებელ ფართებს. ასეთი ფართის არჩევისას საჭროა გაითვალისწინოთ, რომ რთული მოწყობილობის ექსპლუატაცია უკავშირდება ენერგომოხმარებას, და რაღა თქმა უნდა ყურადღება უდნა მიაქციოთ ქსელში არსებულ ძაბვასაც. ამიტომ, ფერმის ნორმალური მუშაობისთვის უმნიშვნელოვანესი პირობაა გონივრულად შერჩეული ფართი, სადაც შესაძლებელი იქნება ტემპერატურული რეჟიმის შენარჩუნება, ელექტროკაბელების და ქსელში ძაბვის სტაბილურობის კონტროლი.

შემდეგ უკვე საჭროა გამოთვალოთ თუ რამდენ ელექტროენერგიას მოიხმარს მოწყობილობა, რომლითაც ფულის გამომუშავებას აპირებს მაინინგ-ბიზნესის დამწყები. ამ ინფორმაციის უფასოდ მოძიება შესაძლებელია ვებ-გვერდზე:nicehash.com.

 

მოწყობილობის არჩევა მაინინგისთვის

 

მოწყობილობის არჩევა უნდა დაიწყოთ მას შემდეგ, როცა უკვე გარკვეული გექნება ყველა საწყისი მონაცემი: დაწყებული სათავსო ფართით და დამთავრებული პროვაიდერის შესაძლებლობებით. არჩევანის გაკეთება უმჯობესია «ყოფილი» მაინერების გამოცდილების გათვალიწინებით.

დღეისათვის, მაინინგისთვის საჭრო მოწყობილობის მწარმოებლებს მოთხოვნის მნიშნელოვან ზრდა აქვთ. მაგალითად, ვიდეობარათების და AMD პროცესორების კორეული მწარმოებლის შემოსავალი მე-II კვარტალში 20%-ით გაიზარდა. როგორც კომპანიაში აცხადებენ, ეს უფრო მეტად მოხდა «კომპიუტერული გამოთვლების სეგმენტში გაზრდილი შემოსავლის გამო».

ფერმა საშუალოდ 6-8 ვიდეობარათისგან შედგება, რომლის ფასი მწარმოებლიდან გამომდინარე ვარირებს 2000$-5000$ შორის. მაგალითად დაახლოებით 5000$ ღირს კორეული წარმოების ვიდეობარათი - Radeon RX 580, შესაბამისად, ერთი «საოჯახო» ფერმა, საშუალოდ 40 000$ დაჯდება.

მაგალითად, ბიტკოინის გამოსამუშავებელი ერთ-ერთი ყველაზე პოპულარული დეტალი - ეს არის ASIC-ის ჩიპი, რომელიც იწარმოება ჩინეთსა და აშშ-შ, და ყველაზე სწრაფ ვიდეობარათზე ძლიერია. ერთი ჩიპის ღირებულება შეადგენს დაახლოებით 12 000$-ს. სწორედ ამიტომ არის კრიპტოფერმების 65%-ზე მეტი განთავსებული ჩინეთში.

სპეციალისტები აღნიშნავენ, რომ მაინინგი უნივერსალური მოწყობილობიდან ეტაპობრივად გადადის სპეციალიზირებულ მოწყობილობაზე და ეს დადებითი მომენტია, რამდენადაც დღეს სოფტის მიღება პრობლემას არ წარმოადგენს. ინტერნეტში უამრავი განცხადებაა უკვე აწყობილი და მზა მაინინგ-ფერმების გაყიდვასთან და ასევე ტექნიკური მხარდაჭერის მოწყობილობის მონტაჟთან დაკავშირებით.

 

 

რისკები, რომელთა წინაშეც შეიძლება დადგეს დამწყები მაინერი

 

 

1. სამართლებრივი რისკები

 

მაინინგს და კრიპტოვალუტის ბაზარს საქართველოში საკანონმდებლო ბაზა და მკაფიო სამართლებრივი სტატუსი არ გააჩნია. შესაბამისად, სამართალდამცავი ორგანოები მცირედი ფინანსური ოპრაციების წარმოებას ყოველგვარი ღონისძიებების გატარების გარეშე უყურებენ.

მაინინგით ფულის გამომუშვება აკრძალული არ არის, ხოლო კრიპტოვალუტის გაყიდვა დიდი ალბათობით შესაძლოა განხილულ იქნას, როგორც უკანონო სამეწარმეო საქმიანობა. დამწყები და უკვე მოქმედი მაინერებიც მზად უნდა იყვნენ იმისათვის, რომ 2018 წლის ზაფხულიდან შესაძლოა შესაბამისი კანონისმ იღებით დარეგულირდეს და კონტროლი დაწესდეს კრიპტოვალუტის ბაზარზე და მაინერების მუშაობაზე. რამდენად «მეგობრული» იქნება ეს ნორმატიული აქტები ფინანსური ბაზრის მოთამაშეების მიმართ ჯერ არავინ იცის.

 

2. მოწყობილობის ექსპლუატაცია

 

არსებობს მოსაზრება, რომ IT-სფეროს მოწყობილობა ძველდება ზუსტად იმ მომენტში, როცა ბაზარზე ჩნდება გაუმჯობესებული ტექნიკური მახასიათებლების მქონე ახალი მოწყობილობა. მაგალითად, იგივე ASIC-ჩიპების გამოჩენა ნამდვილ ტექნიკურ გარღვევად იქცა და კონკურენტები უკან ჩამოიტოვა. თუმცა, საშუალოდსტატისტიკურ მაინერს სამწუხაროდ არ აქვს იმის შესაძლებლობა, რომ ყოველ ჯერზე განაახლოს მოწყობილობა, მითუმეტეს, თუ მისგან ამონაგები არ მიუღია. ასევე გასათვალისწინებელია რისკები, რომლებიც შეიძლება დაკავშირებული იყოს შინაგან (მაგალითად გადახურება) და გარეგან (ძაბვის არასტაბილურობა) პრობლემებთან, რაც შეიძლება ვიდეობარათების გადაწვის მიზეზი გახდეს.  

 

3. კრიპტოვალუტის ბაზრის მსხვილ მოთამაშეებთან კონკურენცია

 

ერთ-ერთი ყველაზე ორაზროვანი სიახლე მაინინგური საზოგადოებისთვის გახდა ინფორმაცია იმის შესახებ, რომ იაპონური პროვაიდერი GMO გეგმავს ჩრდილოეთ ევროპაში ყველაზე მსხვილი მაინინგ-ფერმის გახსნას. კომპანია დიდი ალბათობით ბაზრის გიგანტი გახდება, რაც ძალიან გაართულებს კრიპტოვალუტის გამომუშავების პროცესს.

 

4. ბაზრის ყველა ნიუანსის გაგების ილუზია

 

კრიპტოვალუტის ბაზრის შესახებ წარმოდგენებზე იგივე სიტუაციაა, რაც მაგალითად ფინანსურ ბირჟებთან დაკავშირებით. არასწორი გათვლები, სრულფასოვანი წარმოდგენის არარსებობა ბაზრის ფუნქციონირებასთან დაკავშირებით, ბუნდოვანი მოთამაშეები, რომლებსაც ინსაიდერული ინფორმაცია გააჩნიათ - ყველაფერი ეს თითქმის 100%-ით იწვევს დამწყები ტრეიდერის ფინანსურად დაზარალებას.

ანალოგიური პრინციპის გადატანა არის შესაძლებელი კრიპტოვალუტის ბაზართან მიმართებაშიც, რომელიც იმდენად მიზანმიმართულად და სწრაფად იცვლება, რომ ისინიც კი, ვინც უკვე დიდი ხანია ბაზარზე მუშაობს და მისი ფუნქციონირების პრინციპებიც ესმის, ვერ ახერხებენ დროულ რეაგირებას მიმდინარე მოვლენებზე. არის თუ არა ბიტკოინი საპნის ბუშტი ან მომავლის ვალუტა - ამ შეკითხვას უკვე გამოცდილი ეკონომისტები სვამენ, პარალელურად კი ნეოფიტები აქტიურად ყიდულობენ «ციფრულ ოქროს» უკვე ათობით ათას აშშ დოლარად.

ის, რისი გაკეთებაც ნამდვილად არ ღირს დღეისათვის კრიპტოვალუტის ბაზარზე, არის ის, რომ იქონიოთ ჭარბი შემოსავლის მიღების იმედი მაინინგში მინიმალური ინვესტირების პირობებში. თუ გაქვთ სურვილი საკუთარი თავი გამოსცადოთ მაინინგში, შეგიძლიათ პერსპექტივაში განიხილოთ ალტერნატიული რენტაბელური ნიშები. მაგალითად, მაინერებს შეუძლიათ არამარტო ვალუტის გამომუშავება, არამედ სამეცნიერო და ფინანსური მონაცემების გადამუშავებაც. საჭიროა კარგად გაიზაროთ და დაფიქრდეთ ამ ნაბიჯის გადადგმამდე, თორემ კრიპტოვალუტის გამომუშავებისა და ფინანსური შემოსავლის მიღების ნაცვლად საბოლოოდ გამოგივათ სახლის გათბობა.