კატეგორიები
ჩვენ ვინახავთ ყველა მაღაზიის ფასებს. თქვენ ადარებთ და ირჩევთ საუკეთესო შეთავაზებას
ტრენდია: iPhone X 64 GB
0

რის მიხედვით განისაზღვრება ვალუტის კურსი?

ბრეტონ-ვუდის სავალუტო სისტემის შეცვლის შემდეგ, რომელიც მიღებული იყო 1944 წელს და უზრუნველყოფდა აშშ დოლარის კურისის მიბმას ოქროს ფასთან (1 ტროას უნცია (troy ounce) ღირდა 35 აშშ დოლარი), ხოლო დანარჩენი ვალუტების, როგორიცაა ევროს კურსი და სხვა ვალუტები - აშშ დოლართან, 1971-1976 წლებში მიღებულ იქნა იამაიკის სავალუტო სისტემა, რომლის თანახმად, ვალუტის კურსის დათვლა დაიწყო მოთხოვნასა და შეთავაზებაზე დაყრდნობით, ანუ საბაზრო წესების შესაბამისად. თუ მოთხოვნა აჭარბებს შეთავაზებას, მაშინ ვალუტის კურსი იზრდება, ხოლო თუ შეთავაზება დომინირებს მოთხოვნაზე - იკლებს.

მთავარი შეკითხვა, რაც ვალუტის კურსთან მიმართბაში ჩნდება არის შემდეგი: როგორ გავიგოთ რა პირობებში ხდება მოთხოვნის ან შეთავაზების ზრდა?

ამ სტატიაში ჩვენ შევეცდებით აგიხსნათ რის მიხედვით განისაზღვრება ვალუტის კურსი და როგორ ხდება მისი შენარჩუნება გარკვეულ დონეზე სხვადასხვა პერიოდით.

მყიდველუნარიანობის შესაძლებლობის პარიტეტი (purchasing power parity)

დღეისათვის ფული იგივენაირი საქონელია, რომლის შეძენა შესაძლებელია სხვა ქეყნის ფულით შესაბამისი კურსის მიხედვით, ხოლო ამ გზით შეძენილი ფულით ვალუტის გამომშვები სახელმწიფოს მიერ წარმოებული სხვა საქონლის შეძენა. ამასთან, სხვადასხვა ქვეყნის საქონელის ფასი განსხვავებულია და მათი შეძენის რაოდენობაც სხვადასხვაა, თან ყველა ქვეყანა ასე თუ ისე ჩართულია შიდაეკონომიკურ საქმიანობაში. მყიდველუნარიანობის შესაძლებლობის პარიტეტის მიხედვით, დადგენილი ვალუტის კურსი დაანგარიშებული და მიახლოებულია კონკრეტული პროდუქტების ნაკრების ფასთან. აქედან გამომდინარე მნიშვნელოვანია გვესმოდეს, როგორც ხდება ვალუტის კურსის დაანგარიშება. გამოყოფენ თავისუფლად კონვერტირებად ვალუტას (ყოველგვარი შეზღუდვების გარეშე არარეზიდენტებისთვის შეთავაზების გაკეთებისას) და ვალუტას, რომელსაც აქვს მისი კონვერტაციისას გარკვეული შეზღუდვები.

როგორ ადგენენ ბანკები ვალუტის კურსს

მოთხოვნა და შეთავაზება, და შესაბამისად ვალუტის კურსიც, ფორმირდება პოლიტიკური და ეკონომიკური ფაქტორებიდან გამომდინარე, რომლებიც თავის მხრივ შეიძლება იყოს ურთიერთკავშირში. შედარებით მნიშნვნელოვან ფაქტორად ითვლება ცენტრალური ბანკების ქმედებები ფულად-საკრედიტო პოლიტიკის კუთხით. ცენტრალური ბანკები იღებენ გადაწყვეტილებას საპროცენტო განაკვეთების და სხვა ეკონომიკური  მაჩვენებლების თაობაზე. შესაბამისად, თუ საპროცენტო განაკვეთი დაბალია, მაშინ იზრდება ამა თუ იმ ქვეყნის ფულის რაოდენობა, რადგან საწარმოები იწყებენ „იაფი კრედიტების“ აღებას განვითარებისთვის. ასეთი ზომების მიღება ხშირად ხდება ეკონომიკის სტიმულირებისთვის. ფულადი მასის გაზრდისას მისი ღირებულება ეცემა. ხოლო თუ ეკონომიკა კარგ მაჩვენებლებს იძლევა ასეთი ქმედების შემდეგ, ცენტრალური ბანკები იწყებენ საპროცენტო განაკვეთის გაზრდას და ამით ფულის გაძვირებას. როგორც წესი, დაბალი საპროცენტო განაკვეთისას ინფლაცია იზრდება, რომელიც ფასდება როგორც ფულის ყოველწლიური გაუფასურება.

ფაქტიურად, ცენტრალური ბანკები საპროცენტო განაკვეთის დაწესებას ახდენენ მაკროსტატისტიკაზე დაყრდნობით.

საპროცენტო განაკვეთისა და შესაბამისად ვალუტის კურსის დადგენის პროცესში უმნიშვნელოვანესი ფაქტორებია: მყიდველუნარიანობის შესაძლებლობის პარიტეტი, სამრეწველო წარმოება, ფასთა ინდექსი, უმუშევრობის მაჩვენებელი, გაყიდვების დინამიკა და სასაწყობე მარაგები. ყველა ამ ფაქტორზე დაყრდნობით დგინდება ვალუტის კურსი ცენტრალური ბანკში.

თუმცა, არსებობს მაკროსტატისტიკის კიდევ ერთი მაჩვენებელი, რომელზეც საჭიროა ცალკე საუბარი. ეს არის საგადახდო ბალანსი - ფულადი სახსრების მოძრაობა ქვეყნის შიგნით და გარეთ დროის გარკვეულ პერიოდში, რომელიც გამოხატულია სხვადასხვა ფორმებით. უფრო გასაგები რომ იყოს: თუ საგადახდო ბალანსი დადებითია, ეს ნიშნავს, რომ სხვა ქვეყნები კონკრეტული ქეყნის ვალუტას ყიდულობენ იმისათვის, რომ შემდეგ ამ ფულით შეისყიდონ ამ ქვეყნის ტერიტორიაზე ნაწარმოები პროდუქცია და მომსახურება, რაც თავის მხრივ ზრდის კურსს. როცა საგადახდო ბალანსი უარყოფითია, მაშინ ქვეყანამ თავად უნდა შეიძინოს უცხოური ვალუტა იმისათვის, რომ მოახდინოს იმპორტირებული საქონლისა და მომსახურების შესყიდვა.

სტატისტიკის პარალელურად, ვალუტის კურსზე მოქმედებს პოლიტიკური ფაქტორებიც. რაც უფრო სტაბილურია სახელმწიფოს მდგომარეობა, მით უფრო მაღალია მისი ვალუტის კურსი. შედარებით განვითარებული ეკონომიკის მქონე სახელმწიფოებმა შექმნეს სარეზერვო ვალუტა, რაც მსოფლიოს მასშტაბით მიღებული და აღიარებულია, და მათ სხვა ქვეყნის ცენტრალური ბანკები შეისყიდიან როგორც სტრატეგიულ საინვესტიციო აქტივებს. სარეზერვო ვალუტა ემსახურება სავალუტო პარიტეტის განსაზღვრას საერთაშორისო ანგარიშებისთვის.

ამა თუ იმ ვალუტის კურსი შენარჩუნებისთვის ცენტრალური ბანკები ახორციელებენ სავალუტო ინტერვენციებს, ანუ ვალუტის შესყიდვას და გაყიდვას მის მისაღებ დიაპაზონში შენარჩუნების მიზნით.

დასკვნა

ვალუტის კურსი მუდმივად იცვლება და მოძრაობაშია. ის ასევე მკვეთრად რეაგირებს ეკონომიკური კონიუქტურის ცვლილებაზე, რაც თავის მხრივ ქმნის ვალუტით სპეკულაციის საფუძველს. ცენტრალური ბანკის მიერ ვალუტის კურსის ფორმირებაში გარკვევა დაგეხმარებათ გამოტანოთ დასკვნა თუ რომელ ვალუტაში უფრო რაციონალურია ფულადი სახსრების შენახვა.

0

მდიდრული მოგზაურობების პორტალზე Luxury Travel Advisor დასახელდა Instagram-ის მომხმარებლებს შორის ყველაზე პოპულარული სასტუმრო

Instagram-ში გამოსაქვეყნებლად სასტუმროს ტერიტორიაზე საუკეთესო ფოტოებისა და ვიდეოების გდაღებისთვის იდეალურ ადგილად დასახელდა კურორტი Anantara Kihavah, რომელიც მდებარეობს მალდივებზე.

კომპლექსი Anantara Kihavah განთავსებულია ულამაზეს კუნძულ კიჰავა ჰურავალჰიზე და შედგება 80 ულამაზესი ვილისგან, რომლებსაც ჭილის სახურავები აქვთ. ვილების კომპლექსი დგას ძალიან სუფთა სანაპიროზე, გარშემო კი თვალწარმტაცი ცისფერი ლაგუნა აკრავს.

სასტუმროში არის წყალქვეშა რესტორანი, რომლის სტუმრებსაც შეუძლიათ ისიამოვნონ ზღვის სამყაროს სილამაზით საუზმობისა და სადილობისას. გარდა ამისა, კომპლექსში არის ღივინის მარანი, ორდონიანი ბარი, ლაუნჯ-სივრცე, სპა-სალონი წყალზე და ობსერვატორია.

შეგახსენებთ, რომ მალდივები - ტროპიკული სახელმწიფოა ინდოეთის ოკეანეში, ის განლაგებულია 26 მრგვალ ატოლაზე, რომელთა შემადგენლობაში შედის ათასობით კარალის კუნძული. მალდივები სახელგანთქმულია თავისი სანაპირო ზოლით და უზარმაზარი ცისფერი რიფებით. აქ საოცრად მდიდარი წყალქვეშა სამყარო და კრისტალურად სუფთა წყალია (წყლის ქვეშ მხედველობა თავისუფლად შესაძლებელია 40 მ სიღრმეზე), რამაც მალდივის კუნძულები დაივინგის მოყვარულთათვის და აკვალანგისტებისთვის ნამდვილ „მექად“აქცია.

 

 

0

დღეს ავეჯის გარეშე წარმოუდგენელია რომელიმე ტიპის სივრცის მოწყობა - ავეჯი ჩვენი ცხოვრების განუყოფელი ნაწილია.

ადრეული დროიდან ადამიანები თვლიდნენ, რომ ავეჯი, ჭურჭელი და აქსესუარები, რომლებიც ხისგან იყო დამზადებული, თუ სწორად იქნებოდა შერჩეული, არამარტო აუმჯობესებდნენ მათი მეპატრონის ფიზიკურ მდგომარეობას, არამედ ოჯახში სიყვარული, ბედნიერება და წარმატებაც შეჰქონდათ.

მიუხედავად იმისა, რომ შეიძლება ამ რწმენაში ბევრი მისტიკური და სადავო მხარეა, ასწლეულების შემდეგაც კი, ხის გავლენას ადამიანის ჯანმრთელობასა და სიცოცხლისუნარიანობაზე, აქტუალურობა არ დაუკარგავს.

ავეჯს უამრავი სასარგებლო და პრაქტიკული ფუნქცია აქვს ყველა სახლში, ბინაში, ოფისსა თუ დაწესებულებაში.

ავეჯის წარმოება მუდმივად ვითარდება. დიზაინი ივცლება და ხდება მისი დახვეწა, სრულყოფა. მწარმოებლები იყენებენ თანამედროვე ტექნოლოგიებს, კონსტრუქციულ საშუალებებს და ახალ მასალებს ავეჯის დასამზადებლად.

ბაზარზე დღეისათვის ხარისხიანი და კომფორტული ავეჯის ძალიან დიდი არჩევანია და ფაქტიურად ყველა ტიპის გემოვნების მომხმარებლის დაკმაყოფილებაა შესაძლებელი. გამომდინარე იქედან, რომ ხარჯების ნაწილში ავეჯს ერთ-ერთი ძირითადი ადგილი უჭირავს, მისი შერჩევის პროცესს უნდა მიუდგეთ გულდასმით.

თანამედროვე ავეჯი არამარტო ლამაზი, არამედ პრაქტიკულიც არის. დღევანდელი ცხოვრების უსერიოზულესი მოთხოვნა ავეჯის მიმართ არის მისი ფუნქციონალურობა. ავეჯის მწარმოებლები ხელმძღვანელობენ უსაფთხოების ყველა აუცილებელი მოთხოვნებით, ხოლო მუდმივ განვითარებასა და სრუყოფას ავეჯის წარმოებისგან ითხოვს საბაზრო ეკონომიკის კანონები.

იმისათვის, რომ მომხმარებელის გემოვნებით შერჩეულმა ავეჯმა დიდხანს შეძლოს თავისი ფუნქციის შესრულება და გაალამაზოს გარემო, საჭიროა მისი სწორი ექსპლუატაცია და მოვლა.

ავეჯის ბაზარზე წარმოდგენილი პროდუქცია განკუთვნილია სხვადასხვა სოციალური ფენისა და ფინანსური შესაძლებლობის მქონე მომხმარებლებისთვის. თავის მხრივ ავეჯის სალონები და სავაჭრო ცენტრები მყიდველს სთავაზობენ აქციებს, ფასდაკლებებს და პეციალურ შეთავაზებებს.

თანამედროვე ტექნოლოგიების ერაში ავეჯის ინტერნეტით ყიდვა სრულიად თავისუფლად შეგიძლიათ, ისევე როგორც სხვა ნებისმიერი პროდუქტის ან მომსახურების.

ონალიან-მაღაზიაში წარმოდგენილი დიდი არჩევანი საშუალებას მოგცემთ დაზოგოთ დრო, ხშირ შემთხვევაში ინტერნეტში არსებულ შეთავაზებებზე გაცილებით დიდი ფასდაკლებები და ხელსაყრელი პირობების მქონე აქციებია, ვიდრე ჩვეულებრივ მაღაზიებში, სავაჭრო ცენტრებსა თუ ბაზრობებზე, შესაბამისად თანხის დაზოგვის მეტი შანსიც გაქვთ.

 

 

0

თანამედროვე სამყაროში მობილურ ტელეფონებს მნიშვნელოვანი ადგილი უჭირავთ. ის ერთადერთი თუ არა, ერთ-ერთი ძირითადი საკომუნიკაციო საშუალებაა. მისი დახმარებით დღეისათვის უკვე ყველაფრის გაკეთებაა შესაძლებელი: დაწყებული ჩვეულებრივი კულინარიული რეცეპტების კითხვით და მსხვილი ბიზნეს-გარიგებებით დასრულებული.

 

რისთვის არის საჭირო მობილური ტელეფონი?

 

ადამიანი ყველაზე დიდ დროს უნდა ატარებდეს ოჯახთან, სამსახურში ან მეგობრებთან, თუმცა თანამედროვე მაღალტექნოლოგიურ პირობებში ყველა ზემოთხსენებული ერთიანად შეცვალა მოწყობილობამ სახელად - მობილური ტელეფონი.

თანამედროვე მობილურ მოწყობილობებს ტელეფონის ფუნქციასთან ერთად შეთავსებული აქვთ კომპიუტერის და კიდევ მრავალი სხვა მოწყობილობის ფუნქცია, მაგრამ ყველაფრის მიუხედავად, მობილური ტელეფონის ყველაზე მეტად საჭირო ფუნქციად მაინც რჩება საუბრის ფუნქცია. მართალია ტელეფონი ფარავს მანძილს და ნებისმიერი წერტილიდან შეიძლება ურთიერთკავშირის დამყარება, თუმცა ცოცხალ ურთიერთობას ის მაინც ვერასოდეს შეცვლის...

საჭიროა თუ არა ტელეფონი? დიახ, ტელეფონის დახმარებით შესაძლებელია საყვარელი ადამიანების ხმის გაგონება, საინტერესო ან მნიშვნელოვანი მოვლენების დაფიქსირება კადრების ან ვიდეოჩანაწერის სახით. ტელეფონი საჭირო და მნიშვნელოვანი ნივთია ყოველდღიურ ცხოვრებაში.

 

გავრცელებული პლატფორმები

 

ბევრი ადამიანი ფიქრობს რომელი ტელეფონის შეძენა სჯობს. ქვემოთ შეგიძლიათ იხილოთ ყველაზე გავრცელებული პლატფორმების ჩამონათვალი:

·         Android – ეს არის საკმაოდ მსუბუქი პლატფორმა, ბიუჯეტური და დღეისათვის ყველაზე გავრცელებული.

·         Iphone – გამოყენებაში საკმაოდ მარტივი, თუმცა ბიუჯეტურ კატეგორიას არ მიეკუთვნება.

·         Windows Mobile – Windows სისტემის საფუძველზე შექმნილი ტელეფონი, მრავალფუნქციური.

·         Symbian – ეს მოძველებული, მაგრამ ეფექტური პლატფორმაა, თუ თქვენ დარეკვა ან მუსიკის მოსმენა გსურთ, აირჩიეთ ეს პლატფორმა, ის საკმაოდ იაფი ღირს.

·         Palm, Linux, BlackBerry – ეს სამი პლატფორმა აერთიანებს თავის დროზე საკმაოდ პოპულარულ, თუმცა, უკვე მოძველებულ მოდელებს. გაუმჯობესებული პლატფორომების გამოსვლის გამო მათ ბაზარზე კონკურენტუნარიანობის დათმობა მოუხდათ.

 

მნიშვნელოვანი ფუნქციები

 

თანამედროვე ტელეფონებს უამრავი საჭირო და სასარგებლო ფუნქცია აქვთ, როგორიცაა მაგალითად Bluetooth – რაც ერთი მოწყობილობიდან მეორეზე კონკრეტული ინფორმაციის გადატანას უზრუნველყოფს; Wi-Fi – ლოკალურ ქსელსა და ინტერნეტთან წვდომის საშუალება; სხვადასხვა ტიპის ორგანაიზერი, ეს შეიძლება იყოს უამრავი სასარგებლო პროგრამის და აპლიკაციის ნაკრები, მაღვიძარა, წამზომი, საათი, აუდიოპროფილი და ა.შ. ეს ყველაფერი მობილურის მომხმარებელს ხელს უწყობს საჭირო და მნიშვნელოვანი ინფორმაციის ჩაწერასა და მართვაში.

თუ მობილურის შეძენას გეგმავთ, კარგად განსაზღვრეთ რა ფუნქციების მატარებელი გაჯეტი გჭირდებათ, რა ტიპის პლატფორმით და გადაწყვეტილება შემდეგ მიიღეთ. მობილური ტელეფონების დიდი არჩევანი საუკეთესო ფასად შეგიძლიათ ნახოთ აქ mobilurebi . გახსოვდეთ - უმჯობესია მობილური ტელეფონი იყოს მარტივი მართვის მხრივ, მაგრამ სწრაფი, ტევადი მეხსიერების მხრივ და რაც მთავარია იმ ფუნქციებით აღჭურვილი, რომელიც თქვენ ცხოვრების სტილიდან და საქმიანობიდან გამომდინარე გჭირდებათ. 

 

0

ნაციონალური ვალუტები სასიცოცხლოდ მნიშვნელოვანია თანამედროვე ეკონომიკის სწორი ფუნქციონირებისთვის. ისინი საშუალებას იძლევიან შესაბამისად მოხდეს ფასთა განსაზღვრა სხვადასხვა პროდუქტზე. სხვადასხვა ვალუტა გვჭირდება იმისთვის, რომ ერთი ქვეყნის ფული ყოველთვის არ გამოიყენება სხვა ქვეყანაში...

 

ვალუტის გაცვლითი კურსი – ეს არის ერთი ტიპის ვალუტის ღირებულება მეორე ტიპის ვალუტაში.

გაცვლის მეთოდები

არსებობს ვალუტის გაცვლითი კურსის განსაზღვრის ორი ძირითადი სისტემა: მცურავი ვალუტა და ფიქსირებული ვალუტა.

მცურავ გაცვლით კურსს განსაზღვრავს ბაზარი. სხვა სიტყვებით რომ ვთქვათ, ასეთი ვალუტა ღირს იმდენი, რამდენის გადამხდელიც არიან მასში მყიდველები.

მისი ღირებულება განისაღვრება მოთხოვნიდან და შეთავაზებიდან, რომლებიც თავის მხრივ განპირობებულია უცხოური ინვესტიციებით, იმპორტისა და ექსპორტის ურთიერთდამოკიდებულებიდან, ინფლაციითა და ბევრი სხვა ეკონომიკური ფაქტორიდან გამომდინარე.

როგორ წესი, ქვეყნები, რომლებსაც გააჩნიათ მომწიფებული, სტაბილური ეკონომიკური ბაზარი, იყენებენ მცურავ კურსს. ფაქტიურად ყველა მსხვილი ქვეყანა, მათ შორის აშშ, კანადა და დიდი ბრიტანეთი. მცურავი გაცვლითი კურსი ითვლება უფრო ეფექტურად, რაგან ბაზარი ავტომატურად არეგულირებს კურსს იმისათვის, რომ წარმოაჩინოს ინფლაცია და სხვა ეკონომიკური ფაქტორები.

ვალუტის მცურავი კურსი არასრულყოფილია.

ჰიბრიდული სისტემები

რეალურად ძალიან ცოტა ვალუტა არის რეალურად მცურავი კურსის მქონე ან ფიქსირებული. ქვეყნები, რომლებიც იყენებენ მხარდაჭერილ კურსს, ახერხებენ თავი აარიდონ სავალუტო ბაზარზე სავალალო ინფლაციურ შედეგებს სწორედ მცურავი კურისის გამოყენებით.

ისინი ქვეყნის სავალუტო კურსის მიბმას ახდენენ აშშ დოლართან და ამგვარად თავიდან იცილებენ ვალუტის კურსის ყოველდღიურ რყევებს. მაგრამ ხელისუფლებას პერიოდულად შეაქვს მცირე კორექტირებები იმისათვის, რომ ადგილობრივი ვალუტის კურსი  მისი საბაზრო ღირებულების შესაბამისი იყოს.

ვალუტის მცურავი კურსი ასევე მთლიანად არ არის დამოკიდებული საბაზრო კანონებზე. ხელისუფლებას, რომელიც ამ სისტემას იყენებს, პერიოდულად შეაქვს ცვლილებები საკუთარი ქვეყნის ეკონომიკურ პოლიტიკაში, რაც თავის მხრივ პირდაპირ ან ირიბ გავლენას ახდენს ვალუტის გაცვლით კურსზე.

მაგალითად, გადასახადების შემცირება ან მათზე საპროცენტო განაკვეთის დაწევა, ეროვნული საპროცენტო განაკვეთის და იმპორტზე ტარიფების ცვლილება – ყველაფერი ეს ცვლის ეროვნული ვალუტის ღირებულებას, თუმცა ტექნიკურად მისი კურსი მცურავი რჩება.

 valutis kursi

0

როგორი იქნება ჩვენი ცხოვრება 2050 წელს? წარმოგიდგენთ 10 პროგნოზს ფუტუროლოგებისა და ექსპერტებისგან, რომლებიც შეაგროვა კასპერსკის ლაბორატორიამ. შეინახეთ ეს სტატია და კიდევ ერთხელ გადაიკითხეთ, როცა XXI-ე საუკუნის მეორე ნახევარი დაიწყება.

1. ვირტუალური მეხსიერება

სიკვდილის შემდეგ, შესაძლებელი იქნება გარდაცვლილი ადამიანის მოგონებების, გონებრივი შესაძლებლობების და გამოცდილების გადანერგვა შთამომავლების ტვინში და ამით ამ ინფორმაციის მემკვიდრეობით გადაცემა. ამრიგად, გვარის ყოველი მომდევნო წარმომადგენელი იქნება სულ უფრო მეტი უნარების მატარებელი (თუმცა იმის იმედი მაინც ნუ გექნებათ, რომ გამოცდილება ისევე მძაფრად და სწრაფად გადავა შთამომავლობაზე, როგორც ეს არის ფილმში - «მთიელი» — ტალღებით და აფეთქებებით). ეს ცოდნა ასევე საჩუქრად შეიძლება გადაეცეს ლაბორატორიებს, სადაც ეს ყველაფერი ვირტუალური აზროვნების ნაწილი გახდება.სამწუხაროდ, ასეთი ინფორმაცია შესაძლოა მოიპარონ კიდეც, ამიტომ საჭიროა მისი დაცვა.

2. მშვიდობით, პრივატულობა

თუ ახლა მეტროში ან სხვა სამოქალაქო ტრანსპორტში მსხდომ ადამიანებს უცხოებად აღიქვამთ, უახლოეს მომავალში, ყველა, ვისაც ექნება სათვალე ან ლინზები, რომლებიც დამატებითი რეალობის აღქმის საშუალებას იძლევა, შეძლებს დაინახოს, წაიკითხოს და გაიგოს უცხო ადამიანების სახელი, სამუშაო ადგილი, ასაკი, ორიენტაცია და ოჯახური სტატუსი. ასე რომ, ძალიან მალე «უკაცრავად, ახალგაზრდა, თუ შეიძლება ბილეთი ამიღეთ» და მსგავსი მიმართვები საჭირო აღარ იქნება. ყველა შეძლებს ერთმანეთს ესაუბროს პირდაპირ სახელით.

3. ანტისაზოგადოებრივი პარკები

სათვალთვალო კამერების შესაძლებლობები იქამდე მივა, რომ გაჩნდება ჰოლოგრაფიული ნიღბები, რომლებიც ამახინჯებს ადამიანის სახეს, ასევე გაჩნდება ანტისაზოგადოებრივი პარკები, სადაც მოსახლეობის როლს შეასრულებენ რობოტები და შესაძლებელი იქნება ყველაფრის კეთება. ბევრ ადამიანს ასეთი რეალობა შეუცვლის კომპიუტერულ თამაშებს.

4. სხეული მაღაზიაში

ადამიანები შეძლებენ დაიხვეწონ მაღაზიაში შეძენილი ეგზოჩონჩხებით და სხეულის გასაკორექტირებელი დეტალებით, რითაც შეიძენენ ძალას, მოქნილობას, რეაქციის სიჩქარეს, ამტანობას, ინტერნეტით სარგებლობას საკაბელო კავშირების და შეხების გარეშე (ნეირონ-ინტერფეისები), გაიუმჯობესონ მხედველობა (არსებულ ინფრაწითელ შუქზე დამატებით სხივების მიღებით), წყლის ქვეშ სუნთქვის უნარი და ა.შ.

5. რობოსექსუალიზმი

ადამიანები სულ უფრო მეტად აირჩევენ არა ცოცხალ პარტნიორებთან, არამედ რობოტებთან თანაცხოვრებას, რომლებიც შექმნილი იქნება მათი მოთხოვნების შესაბამისად. რობოტები დააკმაყოფილებენ ადამიანის ყველა მოთხოვნას და არაფერს ზედმეტს არ გააკეთებენ.

6. კიბეროკრატია

სახელმწიფოს დონეზე გადაწყვეტილების მიღების სისტემა გაყოფილია ორ ნაწილად: ავტომატიზირებული (AI) და სამოქალაქო (ადამიანური). მანქანები მიიღებენ ყველა გადაწყვეტილებას, სადაც ადამიანური რესურსი ვერ შეძლებს ამის გაკეთებას.

7. დისტანციური სექსი

მობილური ცხოვრების წესი სულ უფრო მეტად გამოიწვევს დისტანციური სექსუალური კავშირის დამყარებას სპეციალური ვირტუალური რეალობისთვის შექმნილი კოსტუმებით. ბოროტმოქმედები ამ მონაცემებზე ნადირობას დაიწყებენ, ასევე შესაძლოა უთვალთვალონ პარტნიორებს, ან შეიძლება სულაც შანტაჟის საფუძველზე და მათ სურვილის საწინააღმდეგოდ მოახდინონ მათი ჩართვა ციფრულ ორგიებში.

8. მოდური სამოსის გარდატეხა

«ჭკვიანი» ტანსაცმელი საშუალებას მისცემს ადამიანებს შეიცვალონ სამოსი გაუხდელად, მაგალითად: ფერი, პრინტი, გამჭვირვალობა (ძალიან განვითარებულ მოდელებში სიგრძეც კი). აქედან გამომდინარე გაჩნდება ახალი ტიპის გამოძალვის მეთოდი: «გადმორიცხეთ ერთი ბიტკოინი, თორემ თქვენი ტანსაცმელი გამჭვირვალე გახდება».

9. სატელიტები დრონების ნაცვლად

კოსმოსში მოეწყობა კერძო კოსმოდრომები, საიდანაც იმუგზაურებენ მზის სისტემის გარშემო.

10. Computer-free

ახალი ტრენდი — უკომპიუტერობა. ქალაქებში იქნება computer-free ზონები, სადაც აკრძალული იქნება ნებისმიერი ელექტრო-ტექნიკის შეტანა.

წყარო: WWW.PRICE.GE

0

 

როცა ვმოგზაურობთ, ყველა ვცდილობთ სამახსოვროდ პატარა სუვენირი მაინც წამოვიღოთ, რომ შემდეგ მეგობრებს და ახლობლებს ვაჩვენოთ, მოვუყვეთ სად ვიყავით, რა ვნახეთ და ა.შ. ყველაზე პოპულარული სუვენირებია - ალკოჰოლი, ზეთები, ტკბილეული, ჭურჭელი და მინიატურული ქანდაკებები. თუმცა ეს სრული ჩამონათვალი არ არის, კიდევ უამრავი ნივთი არსებობს, რომლებიც სუვენირების სახით შეგიძლიათ წამოიღოთ მასპინძელი ქვეყნებიდან.

მაშ ასე, მიყევით ჩამონათვალს:

ალბანეთი

ალბანეთი ცნობილია ვერცხლის ნაკეთობებით. ფასები სხვადასხვაა სავაჭრო ადგილების მიხედვით, ამიტომ შედარებით იაფად რომ შეიძინოთ ნაკეთობა წადით დიდ ბაზრობაზე.

ანდორა

ეს ჯუჯა სახელმწიფო, რომელიც მდებარეობს აღმოსავლეთ პირენეებში, ძალიან ლოიალურია გადასახადებთან მიმართებაში. ფაქტიურად გადასახადის არარსებობის გამო აქ შესაძლებელია ძალიან ძვირადღირებული ნივთების ყველაზე დაბალ ფასად შეძენა. თუ ბრენდების მოყვარული დიდად არ ხართ, მაშინ სუვენირის სახით სჯობს წამოიღოთ ნედლად გამოყვანილი ხორცი - ხამონი ან მორსილია.

ავსტრია

ავსტრიის ნებისმიერ სუპერმარკეტში თქვენ შეხვდებით ტკბილეულ «მოცარტკუგელ»-ს (Mozartkugel), რაც ითარგმნება როგორც მოცარტის ბურთულა. ეს ნუგის გარსით და შოკოლადით დაფარული მარციპანია, რომელსაც დიდი კომპოზიტორის გამოსახულებიან პრიალა ქაღალდში ახვევენ. საკონდიტრო საწარმო, სადაც ეს ტკბილეული შექმნეს, მდებარეობს ზალცბურგში - მოცარტის მშობლიურ ქალაქში.

აზერბაიჯანი

ყველაზე პოპულარული სუვენირი, რაც აზერბაიჯანიდან შეიძლება წამოიღოთ, არის მსხლის ფორმის ჩაის ფინჯნები და თიხის ჭურჭელი. შედარებით მინიატურული სუვენირებიდან შეგიძლით აირჩიოთ გადასაფარებელი ან პატარა ხალიჩა ბუტის ნაციონალური ნაქარგით.

ბელარუსი

ბელარუსში თავთავი ბედნიერებისა და ბარაქის სიმბოლოა. ითვლება, რომ ის შეიცავს მზის ენერგიას და შეუძლია ადამიანებს ბუნების ძალა გადასცეს. ამიტომ, ამ ქვეყნიდან წამოღებული საუკეთსო სუვენირი იქნება აქსესუარები და ამულეტები თავთავის გამოსახულებით.

ბელგია

ბელგიური შოკოლადი მსოფლიოში ცნობილია. თუმცა, მისი სახლამდე მიტანა არც თუ ისე ადვილია. ამიტომ, სანაცვლოდ შეიძინეთ „სპეკულოსი“ - ხრაშუნა ორცხობილა, რომელიც დამზადებულია ყავისფერი შაქრით, შოკოლადითა და სპეციებით.

ბულგარეთი

ალბათ ნაკლებად მოგაფიქრდებათ, რომ სუვენირის სახით ჩუსტები შეიძინოთ. თუმცა, ტრადიციული ბულგარული „ტერლიცები“ ნამდვილად კარგი სუვენირი და სასიამოვნო მოგონებების აღმძვრელი იქნება. ეს ფერადი, შალის ძაფით მოქსოვილი ჩუსტები საუკეთესო საჩუქარი იქნება ახლობლებისთვისაც.

ბოსნია და ჰერცოგოვინა

ქალაქ მოსტარის Kujundžiluk-ის ცენტრალურ ბაზარში, შეგიძლიათ ნახოთ ხელნაკეთი ნივთები სახლისთვის და ფერადი მინებით დამზადებული ლამაზი ჭრაქები. ბაზრობაზე შეგიძლიათ ასევე უამრავი სხვა სახის სუვენირი ნახოთ.

 

დიდი ბრიტანეთი

ინგლისიდან საუკეთესო სუვენირის სახით შეგიძლიათ წამოიღოთ ჩაი.

 

უნგრეთი

უნგრელები — გამოცანების შექმნის ოსტატები არიან. კუბიკ-რუბიკი სწორად ამ ქვეყანაში შეიქმნა. შესანიშნავი უნგრული სუვენირი იქნება ზარდახშა, რომელსაც საკეტი აქვს - ის არ იხსნება მანამ, სანამ მისი ყველა ნაწილი სწორად არ აეწყობა. უნგრეთში არის სუვენირების დიდი არჩევანი, ასე რომ თქვენი გემოვნების მიხედვით შეარჩიეთ ის, რაც ყველაზე მეტად მოგეწონებათ.

გერმანია

გერმანიაში სახლის საშობაო მოსართავების დიდი არჩევანია, რომლებიც ზაფხულშიც კი იყიდება. თუ ტკბილეული გიყვართ, აუცილებლად დააგემოვნეთ და საჩუქრადაც წამოიღეთ ნიურბერგის ორცხობილა - Lebkuchen. ხშირად მათ გულის ფორმა აქვთ.

საბერძნეთი

თუ ზეითუნის ზეთი და სასმელი „უზო“ ვერ ჩაეტევა თქვენს ბარგში, შეიძინეთ სხვადასხვა სანელებლები ან ნედლი პროდუქტი, მაგალითად ორეგანო ან როზმარინი.

დანია

დანიის დიდ ბაზრობებსა და მაღაზიებში შესაძლებელია სკანდინავიური ხელნაკეთი სამაგიდე ხელსახოცების შეძენა, რომლებიც მოქარგულია სხვადასხვა სტილში. საუკეთესო სუვენირი იქნება სკანდინავიური ფოლკლორის გმირის - „ნისე“-ს მინიატურული ქანდაკება, რომელსაც წვეტიანი წითელი ქუდით ადვილად გამოარჩევთ.

 

ისლანდია

ისლანდიიდან შეგიძლიათ სუვენირის სახით წამოიღოთ ძალიან ლამაზი საიუველირო ნაკეთობები, რომლებიც ვულკანური ქვებით არის დამზადებული.

ირლანდია

კლადაჰის ბეჭედი (The Claddagh Ring) — ეს არის ტრადიციული ირლანდიური ბეჭედი, რომელიც მეგობრობისა და სიყვარულის სიმბოლოა. ის მზადდება ხელის მტევნების ფორმით, რომლებსაც უჭირავთ გვირგვინით დამშვენებული გული. იმის მიხედვით, თუ რომელ მხარეს არის გული და რომელ ხელზე უკეთიათ ბეჭედი, შესაძლებელია მისი მფლობელის პირად ცხოვრებაზე ინფორმაციის გაგება.

ესპანეთი

ესპანეთიდან შეგიძლიათ წამოიღოთ ზაფრანა, რომელიც კერძებს ოქროსფერს და შესანიშნავ არომატს მისცემს.

იტალია

რომის მაღაზიაში Gammarelli შესაძლებელია საკმაოდ უჩვეულო სუვენირის შეძენა - ეს არის რომის პაპის საყვარელი წინდები. გამარელის გვარის ოჯახი უკვე 200 წელზე მეტია წინდებით ამარაგებს საეკლესიო მსახურებს.

კვიპროსი

ადგილობრივი ქალები გასაოცარი სილამაზის მაქმანებს ამზადებენ, რომელიც კვიპროსის ეროვნულ განძად ითვლება. ამ მაქმანებით გაწყობილი ხელსახოცები, ტანსაცმლის აქსესუარები, გადასაფარებლები, ქოლგები და ბევრი სხვა ნივთი საუკეთესო სუვენირი იქნება, რასაც კვიპროსიდან წამოიღებთ.

 

ლატვია

ბალტიისპირეთის რეგიონი განთქმულია ქარვის ნაკეთობებით. შესაბამისად ლატვიიდან სუვენირების სახით ქარვით მორთული უამრავი ნივთი შეგიძლიათ წამოიღოთ.

ლიტვა

ლიტვის ერთ-ერთი ყველაზე ცნობილი ნაციონალური ხელსაქმეა ქაღალდზე კვეთა. ასეთი სუვენირი უნიკალურიც იქნება და თან დიდ ადგილსაც არ დაიკავებს თქვენს ჩანთაში.

ლიხტენშტეინი

ლიხტენშტეინი მსოფლიოში ყველაზე პატარა ქვეყნებს შორის მეექვსე ადგილზეა. საუკეთესო სუვენირი, რისი წამოღებაც იქედან შეგიძლიათ არის ქვეყნის ატრიბუტიკის მქონე რაიმე სახის ნივთი, მაგალითად ჭიქა, დეკორატიული თეფში, მაცივრის მაგნიტი და ა.შ.

ლუქსემბურგი

ის ბელგიის მოსაზღვრე ქვეყანაა, შესაბამისად ისიც ცნობილია შოკოლადით. თუმცა, ლუქსემბურგს ცალკეული, ძალიან ძველი და ღრმა ისტორია აქვს ამ მხრივ. შოკოლადის მაღაზიას იქ ყოველი ფეხის ნაბიჯზე შეხვდებით.

მაკედონია

თბილი კლიმატის წყალობით მაკედონიაში მრავალი სახეობის მცენარე და ბალახი იზრდება. შესაბამისად, მაკედონიიდან სხვადასხვა სახის არომატული ზეთების და სანელებლების წამოღება შეგიძლიათ სუვენირის სახით.

მალტა

ადგილობრივ დელიკატესად ითვლება მალტური ნუგა. ასთი საჩუქით შეგიძლიათ გაანებივროთ საკუთარი თავიც და ახლობლებიც.

მოლდოვა

მოლდოვადან შესაძლებელია სუვენირის სახით წამოიღოთ ხელნაკეთი ფერადი ჩანთები, რომლებსაც ჰქვია Traistă. მათი თავდაპირველი დანიშნულება იყო ბაზრიდან პროდუქტის ტარება, ახლა კი ტურისტების ერთ-ერთი ყველაზე საყვარელი სამახსოვრო ნივთია.  

მონაკო

უკვე წლებია რაც ამ ქვეყნის ეკონომიკა კაზინოებიდან მიღებულ შემოსავალზე დგას. თუ თქვენ უცნაურ სუვენირს ეძებთ, წამოიღეთ კაზინოს სათამაშო ჩიპები. (ფიშკები??фишки.)

ნიდერლანდები

ტიტას ფორმის მაგნიტიანი სუვენირის პარალელურად, ჰოლანდიიდან შეგიძლიათ წამოიღოთ ვაფლი, რომელიც ხელით მზადდება და უგემრიელესია. ვაფლის თხელი ფირფიტების შუაგულში ასევე ხელით მომზადებული კარამელია. იმისათვის, რომ კარამელი დარბილდეს და ვაფლი კიდევ უფრო გემრიელი გახდეს, ცხელი ყავის ან ჩაის ფინჯანს დაადეთ ცოტა ხნით.

ნორვეგია

ნაქსოვი ხელნაკეთი ნივთები ტრადიციული ნორვეგიული კანტებით გავრცელებულია მსოფლიოს თითქმის ყველა კუთხეში, მაგრამ ორიგინალი მაინც სულ სხვაა, ამიტომ, თამამად შეგიძლიათ შეიძინოთ სუვენირის სახით.

პოლონეთი

ადგილობრივები თავს იწონებენ მიტკლით დამზადებული ხელნაკეთი გადასაფარებლებით, ხელსახოცებით და სხვა ნივთებით. პოლონეთიდან მათი წამოღება სუვენირის სახით მშვენიერი აზრია, თან ბარგსაც არ დაგიმძიმებთ.

პორტუგალია

პორტუგალიაში ძალიან ბევრი კორპის მუხაა. აქედან გამომდინარე პორტუგალია კორპის მასალის ერთ-ერთი უმსხვილესი ექსპორტიორია. ამ მასალით ამზადებენ უამრავ უჩვეულო და საინტერესო ნივთს, მათ შორის ჩანთებსაც, ამიტომ სუვენირის სახით მათგან რაიმეს არჩევა ნამდვილად არ გაგიჭირდებათ.

რუმინეთი

ცხვრის ბეწვის ქუდი, რომელსაც ადგილობრივები უწოდებენ Căciulă-ს, რუმინეთიდან სუვენირის სახით წარმოსაღებად ნამდვილად კარგი არჩევანია. ის ტრადიციული ბალკანური თავსაბურავია. თანამედროვე დიზაინერები კი ცდილობენ განახლებული სახე მისცენ მას.

სან-მარინო

ამ ქვეყნიდან სუვენირის სახით შეგიძლიათ წამოიღოთ საკოლექციო მარკები და მონეტები.

სერბეთი

სერბეთიდან სუვენირის სახით წამოიღეთ გულის ფორმის უგემრიელესი ორცხობილა, რომელიც ქვეყნის ტრადიცილი სიმბოლოა.

სლოვაკეთი

სლოვაკეთიდან ხშირად მოაქვთ ალკოჰოლური სასმელი, თუმცა მათ შეიძლება ბარგში დიდი ადგილი დასჭირდეთ. თქვენ შეგიძლიათ შეიძინოთ ტყავის შალითაში მოთავსებული ალკოჰოლური სასმელი, რომელსაც ჩანთასავით გადაიკიდებთ.

სლოვენია

ეს ქვეყანა სახელგანთქმულია მთის ბროლის წარმოებით. აქ თქვენ შეგიძლიათ შეიძინოთ ბროლის სუვენირები ან მინიატურული ჭიქები.

თურქეთი

თურქეთში აუცილებლად შეიძინეთ „ნაზარი“ — თურქული ამულეტი ავი თვალის საწინააღმდეგოდ.

უკრაინა

სუვენირის სახით უკრაინიდან შეგიძლიათ წამოიღოთ ტრადიციული ნაქარგი ე.წ. „ვიშივანკა“ - რომელსაც აკერებენ ზედატანს, ხელსახოცებს, გადასაფარებლებს და ა.შ.

ფინეთი

განსაკუთრებული პოპულარობით ფინეთში სარგებლობს ტექსტილი და ტანსაცმელი, რომელსაც აწარმოებს კომპანია - Marimekko. მათი დიზაინი მთელ მსოფლიოში ცნობილია. თქვენ შეგიძლიათ სუვენირის სახით შეიძინოთ ძალიან ლამაზი პანო სახლისთვის.

საფრანგეთი

პარიზის სანთლებით მოვაჭრე მაღაზიების დიდი ნაწილი გაიხსნა XVII საუკუნეში, სადაც წარმოდგენილია სანთლების დიდი არჩევანი: დაწყებული ძალიან უბრალო და დამთავრებული უნიკალური დიზაინის მქონე სანთლით. ასეთი სუვენირები დიდ ადგილს არ დაიკავებს თქვენს ბარგში და თან საუკეთესო საჩუქარი იქნება.

ხორვატია

XVII საუკუნეში ხორვატიაში შეიქმნა ჰალსტუხი. სამოსის ეს დეტალი ხორვატიის შემდეგ საფრანგეთში, ხოლო მოგვიანებით მთელს მსოფლიოში გავრცელდა. ზოგიერთ სპეციალიზირებულ მაღაზიაში კონსულტანტები დაგეხმარებიან ჰალსტუხის შეკვრის განსაკუთრებული მეთოდის სწავლაში.

მონტენეგრო

მონტენეგრული კაპა — არის ნაციონალური თავსაბურავი, რომლის დასამზადებლად გამოყენებული შავი ფერი არის ქვეყნის წარსული დიდების სიმბოლო, ხუთი ოქროსფერი ზოლი ოსმანთა 500 წლიანი ბატონობის აღმნიშვნელია, ხოლო წითელი ფერი - სისხლია, რომელიც ერმა ქვეყნის დამოუკიდებლობისთვის ბრძოლაში დაღვარა. „კაპა“ - ტურისტებს შორის ძალიან პოპულარული სუვენირია.

ჩეხეთი

ბოჰემური მინისა და ლუდის გარდა ჩეხეთიდან შეგიძლიათ სუვენირის სახით ძოწის ნაკეთობები წამოიღოთ.

შვეიცარია

ქვეყნის 800-ზე მეტ რკინიგზის სადგურში თქვენ ფაქტიურად ყველგან შეხვდებით Mondaine-ის საათებს. კომპანია ასევე აწარმოებს კედლის და მაჯის საათებს. პრინციპში, შვეიცარიიდან ამაზე უკეთესი სუვენირის წამოღება შეიძლება?

შვედეთი

შვედეთიდან წამოიღეთ მარილში გამოყვანილი ძირტკბილა, რომელიც კანფეტების, შოკოლადის დანამატებისა და ორცხობილების სახით არის დამზადებული.

ესტონეთი

ესტონეთში ძალიან პოპულარულია ხის აქსესუარები: ტელეფონის შალითები, ბაფთა-ჰალტუხები, სამკაულები და სხვა.

price.ge გისურვებთ საინტერესო და სასიამოვნო მოგზაურობას!

0

მოგზაურობა სასიამოვნო პროცესი რომ იყოს და უცხო ქვეყანაში პრობლემებისა და უსიამოვნო მომენტებისგან მაქსიმალურად დაიცვათ თავი, აუცილებელია გაითვალისწინოთ ჩვენს სტატიაში მოყვანილი რჩევები, რაც დაგეხმარებათ მოგზაურობისას უსაფთხოების წესების დაცვაში. მაშ ასე:  როგორ უნდა შეინახოთ ფული და დოკუმენტები

არსებობს რამოდენიმე წესი, რომლებიც დაგეხმარებიან თავი აარიდოთ ფულისა და დოკუმენტების დაკარგვას: 

1. გადაიღეთ ყველა დოკუმენტის ასლი და შეინახეთ ორიგინალებისგან განცალკევებით. გარდა ამისა, დაასკანერეთ ყველა დოკუმენტი და ერთ-ერთი ასლი შეინახეთ ისეთ ღია ონლაინ-სერვერებზე, როგორიცაა Dropbox და Google Drive. 2. ჩაინიშნეთ დანიშნულების ადგილას არსებული საქართველოს საელჩოების მისამართები და საკონტაქტო ტელეფონები. ასევე ადგილობრივი გადაუდებელი დახმარებისა და პოლიციის ცხელი ხაზის ნომრები. თან წაიღეთ რამოდენიმე ახლობელის საკონტაქტო ნომერი. ეს ინფორმაცია შეინახეთ როგორც წერილობით, ისე ელექტრონული ფორმით. 3. არ შეინახოთ მონაცემები მხოლოდ ერთ ადგილას. ძირითადი თანხა ძალიან დაცულ ადგილას იქონიეთ, მაგალთად სასტუმროს ნომრის სეიფში. თან ატარეთ მხოლოდ მიმდინარე ხარჯებისთვის საჭირო თანხა. თუ აღმოჩნდით ქვეყანაში, სადაც არასტაბილური ფინანსური სისტემაა, ძირითადი თანხა მსხვილი ვალუტის სახით დაიტოვეთ და ადგილობრივ ვალუტაში გადაახურდავეთ მხოლოდ ის ნაწილი, რაც ყოველდღიური ხარჯისთვის გჭირდებათ.

4. გამოიყენეთ პლასტიკური ბარათები. მაშინაც კი, თუ ბარათს მოგპარავენ, თქვენ სწრაფად შეძლებთ მის დაბლოკვას და აღდგენას. თუმცა, ფულის ბანკომატიდან განაღდების დროს საჭიროა უსაფრთხოების წესების დაცვა: არ მოხსნათ ფული იქ სადაც ნაკლები ადამიანების ტრიალებენ, არავის უთხრათ თქვენი ბარათის პინ-კოდი, აუცილებლად გააქტიურეთ საბანკო ტრანზაქციებზე SMS-შეტყობინებები.  5. დაიცავით უსაფრთხოების წესები. ნაღდი ფული და ბარათები უმჯობესია სამოსის ან ჩანთის შიდა ჯიბეში შეინახოთ. მიუხედავად მომადუნებელი გარემოსი, არ ღირს ახალ ნაცნობებზე ბოლომდე მინდობა, განსაკუთრებით მაშინ, თუ ისინი ზედმეტად გამოხატავენ კეთილგანწყობას. 6. თუ ძვირადღირებული ფოტოკამერა გაქვთ თან წაღებული, უმჯობესია მოწყობილობა ხელოვნურად «დააძველოთ». ამის გაკეთება შეგიძლიათ ჩვეულებრივი სკოჩით. ასეთ ფორმაში მყოფ ფოტოკამერის მოპარვას ნაკლებად იფიქრებს ვინმე... ასევე შეგიძლიათ ფოტოკამერის ჩასადებად წაიღოთ ძველი შალითა და ასე დაფაროთ მისი ახალი ჩარჩო.

რა უნდა ქნათ, თუ მოგპარეს ან დაკარგეთ სოკუმენტები და საბუთები? 

-მაშინვე მიმართეთ საკონსულოს, სადაც გაგიწევენ კონსულტაციას ღირს თუ არა პოლიციისა და სახელმწიფო დაწესებულებებისთვის მიმართვა და როგორ უნდა გააკეთოთ ეს. -დასკანერებული დოკუმენტები გამოგადგებათ თქვენი პიროვნების იდენტიფიკაციისთვის და საზღვრის გადაკვეთისას შემდგომი საჭირო პროცედურების გავლისთვის. -თუ მოგპარეს მხოლოდ ფული, მიმართეთ საქართველოს დიპლომატიურ წარმომადგენლობას, სადაც დაგეხმარებიან ახლობლებთან დაკავშირებაში და საჭირო თანხის მიღებაში. -თუ საკრედიტო ბარათი დაგეკარგათ, რაც შეიძლება სწრაფად დაუკავშირდით ბანკს და დაბლოკეთ ის. შემდგომ ინსტრუქციას თავად ბანკის წარმომადგენლისგან მიიღებთ. თუ თქვენი მომსახურე ბანკი ბარათების სწრაფად დამზადება-მიწოდების შერვისს ახორციელებს, მაშინ თავისუფლად და მშვიდად შეძლებთ დასვენებისა და მოგზაურობის გაგრძელებას.

 

სასიამოვნო და უსაფრთხო მგზავრობას გისურვებთ! 

დაჯავშნეთ სასტუმროები და ავიაბილეთები ყველაზე დაბალ ფასად.

წინა სტატია: როგორ ვიმოგზაუროთ ფულით და მის გარეშე

0

ბავშვებთან ერთად მოგზაურობა — რთული საქმეა, რომელსაც პასუხისმგებლობით უნდა მივუდგეთ. იმის ნავცლად, რომ საკუთარ შეცდომებზე ისწავლოთ, შესაძლებელია წინასწარ მოემზადოთ და ამით უამრავ პრობლემას აარიდოთ თავი.

ჩვენს სტატიაში წარმოგიდგენთ იმ ძირითად სირთულეებს, რომლებსაც მოგზაურობისას აწყდებიან მშობლები: 

1 - აკლიმატიზაცია როგორც წესი, ბავშვები ნაკლებად განიცდიან აკლიმატიზაციით გამოწვეულ სირთულეებს, თუმცა, სახლში დაბრუნებისას, მაგალითად ცხელი კურორტიდან ზამთრის პირობებში, სჯობს გასეირნება შეზღუდოთ და ბავშვი მოარიდოთ ადამიანების თავშეყრის ადგილებს. გამგზავრებიდან და მგზავრობის შემდეგ ორი კვირის მანძილზე რეკომენდირებული არ არის ვაქცინაციის ჩატარება.

 

2 - სანაპირო ნაშუადღევიდან ოთხ საათამდე დღის მონაკვეთი გაატარეთ შენობაში, წინააღმდეგ შემთხვევაში ბავშვმა შეიძლება მზის დარტყმა მიიღოს. დანარჩენ დროს სანაპიროზე არ დაგავიწყდეთ მზისგან დამცავი საცხი წაუსვათ და ქუდი დააფაროთ ბავშვს. გაუფრთხილდით ასევე კონდიციონერთან ბავშვის სიახლოვეს, რადგან ცხელი გარემოდან კონდიციონერით გაგრილებულ ოთახში შეიძლება ბავშვი გაცივდეს.

 

3 - დროის სარტყელების ცვლილება იმისათვის, რომ დაძინების პრობლემა არ გაუჩნდეს ბავშვს, გამგზავრებამდე ერთ კვირით ადრე სჯობს ბავშვის ძილის დრო გადაწიოთ გამგზავრების ადგილის დროის სარტყელთან მიმართებაში (ეს იმ შემთხვევაში, თუ სხვაობა ორ საათზე მეტია).

 

4 - ავადმყოფობები იმისათვის, რომ მოგზაურობისას მაქსიმალურად აირიდოთ თავიდან ბავშვის დაავადება, სასურველია გამგზავრებამდე ერთი კვირით ადრე ბავშვი მოარიდოთ მასობრივი თავშეყრის ადგილებს, ჩააცვათ ამინდის შესაბამისად და არ დაალევინოთ ცივი სასმელი. მოგზაურობისას აუცილებლად იქონიეთ თან ჯანმრთელობის დაზღვევა და იმ კლინიკების ჩამონათვალი, რომლებთანაც თქვენი დამზღვევი კომპანია თანამშრომლობს. პრობლემის დაფიქსირების შემთხვევაში აუცილებლად ეცადეთ ბავშვი გაასინჯოთ პედიატრს და არა ზოგადი პროფილის ექიმს, როგორც ეს ჩვეულებრივ ხდება ხოლმე. ასევე თან იქონიეთ თქვენი ადგილობრივი პედიატრის საკონტაქტო ნომერი, რათა საჭიროების შემთხვევაში შეძლოთ მასთან დაკავშირება და კონსულტაციის გავლა.

 

5 - კვება ბავშვებთან მოგზაურობისას უმჯობესია იქირაოთ სამზარეულო კუთხის მქონე ოთახები ან ბინა. ასე თქვენ შეძლებთ შეიძინოთ პროდუქტები და თავად მოამზადოთ, რაც საკმაოდ დაგიზოგავთ თანხას. შეგიძლიათ ასევე თან წაიღოთ ბურღულეული და ისეთი პროდუქტი, რომელიც არ არის მალფუჭებადი.

 

6 - ქცევა თვითმფრინავში თუ ბავშვი ტრანსპორტში ჭირვეულობს, გაითვალისწინეთ შემდეგი რჩევები:

-საკვები ამშიდებს ბავშვს. შეიძლიათ მისცეთ ხილი, წვენი, ორცხობილა ან რაიმე ნუგბარი.

-იმისათვის, რომ ბავშვს არ მობეზრდეს მგზავრობა და ჭირვეულობა არ დაიწყოს, მოუწყვეთ მას მოულოდნელი სურპრიზები, მაგალითად: ახალი წიგნი, სათამაშო, ფანქრებით გასაფერადებელი ჟურნალი, დასაკრავი სტიკრები და ა.შ.

-ყურადღებას ნუ მიაქცევთ უკმაყოფილო მგზავრებს. შეინარჩუნეთ სიმშვიდე და ბავშვს მშვიდად ესაუბრეთ.

-ეცადეთ ბავშვი ფანჯრის მხარეს დასვათ, ეს მას აუცილებლად დაამშვიდებს.

-თუ თქვენ ბავშვს არასოდეს აძლევთ ტელეფონს, ფოტოაპარტს ან საფულეს, ამის უფლება შეგიძლიათ მისცეთ თვითმფრინავში.

-თუ ფრენამდე კარგა ხანია დარჩენილი, ნუ იჩქარებთ თვითმფრინავში ასვლას, გაისეირნეთ ბავშვთან ერთად აეროპორტის ტერიტორიაზე, ან მიეცით ამის საშუალება თავად მას. უბრალოდ აუხსენით წესები, რა და როგორ მუშაობს, რისთვის არის ესა თუ ის მოწყობილობა, რომელიც დამონტაჟებულია აეროპორტის შენობაში და მსგავსი საინტერესო ფაქტები - ასე ბავშვი კარგადაც გაერთობა, დაიღლება და თვითმფრინავში მალევე ჩაეძინება.

 

7 - მსუბუქი ბარგი არ ღირს თავის გადაზღვევა და ბავშვთან ერთად მოგზაურობისას უამრავი წამლისა და ტანსაცმლის თან წაღება. ბარგში ჩაალაგეთ მხოლოდ აუცილებელი ნივთები, წვრილმანებს ადგილზეც შეიძენთ. გარდა ამისა, თქვენი ჩანთა უნდა იყოს მსუბუქი - მარტივად გამოსაყენებელი იქნება ბორბლებიანი ან ზურგჩანთა.

 

8 - დასვენების დღეებიც საჭიროა გაითვალისწინეთ, რომ ბავშვები სწრაფად იღლებიან ღირსშესანიშნაობების, მაღაზიების და ქუჩების დათვალიერებისას. ამიტომ, საჭიროა დასვენების დღეების მოწყობა. თუ სამოგზაუროდ ოჯახთან ერთად მიდიხართ, საინტერესო ადგილების მონახულება შეგიძლიათ მორიგეობით, ან ბავშვებისთვის რამოდენიმე საათით ძიძა აიყვანეთ - ესეც ვარიანტია. ნებისმიერ შემთხვევაში აუცილებლად უნდა გაითვალისწინოთ ბავშვის აქტივობის საათები იმისათვის, რომ არ დაიღალოს უდროო დროს და შემდეგ ღამით დაძინება არ გაუჭირდეს.

price.ge - განვადება ყველა პროდუქტზე!

0

მოგზაურობისას ფულის დაზოგვის წესები - WWW.PRICE.GE

ამ წესების გათვალისწინება მოგზაურობისას თანხას სამმაგად დაგიზოგავთ.

 

გიცდიათ მოგზაურობისას თანხის დაზოგვა და არ გამოგსვლიათ? გეთანხმებით, ამის გაკეთება მარტივი არ არის, თუმცა, თუ კარგად გაითავისებთ ჩვენს სტატიაში ჩამოთვლილ წესებს და მოინდომებთ აუცილებლად მოახერხებთ თანხის დაზოგვას. მაშ ასე, დავიწყეთ: 

ავტოსტოპი

ბევრს აშინებს ეს ვარიანტი, თუმცა ევროპაში ის საკმაოდ უსაფრთხოა და უამრავ ახალ ნაცნობობასა და თავგადასავალს გპირდებათ. მაგალითად საბერძნეთში არც კი დაგჭირდებათ შეწუხება, აქეთ შემოგთავაზებენ მგზავრობას. ისლანდიაში სირთულეს წარმოადგენს მხოლოდ ის ფაქტორი, რომ ავტომობილების მეჩხერი ნაკადია, მეორეს მხრივ ეს საკმაოდ უსაფრთხოა. ისეთ ქვეყნებში, როგორიცაა გერმანია და ნიდერლანდები, საჭიროა მანქანის გასაჩერებლად შესაბამის ადგილებში დადგომა, თორემ შეიძლება დაჯარიმდეთ. აზიაში ავტოსტოპი სწრაფი და საკმაოდ გავრცელებულია.

ე.წ. ლოუქოსთერები

ბიუჯეტური ავიახაზები კიდევ ერთი, ძალიან კარგი ვარიანტია ევრპაში და არამარტო ევროპაში გადასაადგილებლად მათთვის, ვისაც მოგზაურობისას თანხის დაზოგვა სურს. მგალითად ryanair.com და wizzair.com – ის ავიაბილეთების ადრეული შეძენით შეიძლება სულ რამოდენიმე ევროდ იფრინოთ. ამ ვარიანტის ძირითადი უარყოფითი მხარე არის ბარგის წონასთან დაკავშირებით მკაცრი შეზღუდვები. თუმცა ესეც მოგვარებადი საკითხია.

საწვავის სანაცვლოდ მგზავრობა

საიტი: blablacar.com – საუკეთესო მაგალითია იმისათვის, თუ როგორ შეიძლება ურთიერთსასარგებლო ბარტერით მოგზაურობა. თქვენ გჭირდებათ А წერტილიდან В წერტილში მისვლა, მარშრუტი იგივე აქვს სხვა მგზავრს, რომელსაც ჰყავს ავტომობილი. თქვენ სთავაზობთ საწვავის გარკვეული ნაწილის თანხის გადახდას, ხოლო ის თავისი მანქანით მიგიყვანთ დანიშნულების ადგილამდე.

დაივიწყეთ სასტუმროები

Couchsurfing.org და  hospitalityclub.org – საკმაოდ გავრცელებული საძიებო სისტემებია, სადაც შეგიძლიათ ღამის გასათევი იპოვოთ მსოფლიოს ნებისმიერ წერტილში. ანუ, თქვენ ღამეს ათევთ უფასოდ, თან მოგზაურობის ყოველ ახალ წერტილში იცნობთ და უმეგობრდებით უამრავ ადამიანს - ეს ადგილობრივ მოსახლეობასთან დაახლოვების საუკეთესო ვარიანტია, რაც დაგეხმარებათ სიღრმისეულად გაეცნოთ იქაურ კულტურას და დრო საინტერესოდ გაატაროთ.

booking.com  – ამ საიტზე შეგიძლიათ მოძებნოთ ჰოსტელების უამრავი ვარიანტი. განსაკუთრებით თუ კამპანიასთან ერთად მოგზაურობთ. ამ ტიპის მოგზაურობისთვის და თანხის დასაზოგად ყველაზე კარგი შემოთავაზებები სწორედ ამ ვებ-გვერდზეა. 

Airbnb.com – ეს არის ვებ-გვერდი, სადაც თავმოყრილია ნებისმიერი ტიპის საცხოვრებელი ფართი, დაწყებული მანსარდული ტიპის ოთახით და დამთავრებულ პარიზის ცენტრსა და ბალიზე მდებარე სასტუმროთი.

იარეთ ფეხით

ევროპა ზედგამოჭრილია საფეხმავლო ტურებისთვის: გრანდიოზული რომი, ძველი პრაღა, მყუდრო კოპენჰაგენი... ქალაქის შეგრძნება მხოლოდ ფეხით სიარულისას არის შესაძლებელი. ფეხით სიარულისას თქვენ უკეთესად შეიცნობთ ქუჩებს, შეიგრძნობთ დილის, შუადღის, საღამოს ნაწყობას, დააკვირდებით გარშემომყოფ ადამიანების. 

თუ ქალაქი, სადაც იმყოფებით დიდია და ტრანსპორტით გადაადგილებაა საჭირო, მაშინ ორი ვარიანტი გაქვთ: გადაიხადოთ ან არ გადაიხადოთ ტრანსპორტის საფასური. პირველ შემთხვევაში გირჩევთ გაარკვიოთ ადგილობრივი სატრანსპორტო ბარათების შესახებ, რომლებიც არს ერთდღიანი, ერთკვირიანი, ერთთვიანი — ბარათის შეძენა ნამდვლად ეკონომიურია. თუ თქვენთვის მეორე ვარიანტი უფრო მისაღებია, იცოდეთ, რომ ევროპის ქალაქების უმრავლესობაში ტურნიკეტები და კონდუქტორები ტრანსპორტში ნაკლებად შეგხვდებათ, რადგან იქ მოქალაქეების კეთილსინდისიერებაზე მინდობილი ეს საკითხი - ასე რომ, აირჩიეთ... გაითვალისწინეთ, მიუხედავად ასეთი მიდგომისა, ნებისმიერ მომენტში შეიძლება დაგაჯარიმონ.

 

კერძები მოამზადეთ თავად

იყიდეთ კარტოფილი, ბურღულეული, ბოსნეული და ხილი, რძის პროდუქტები, პური და მოამზადეთ თავად - ასე გაცილებით იაფი დაგიჯდებათ. შეგიძლიათ ნაციონალური კერძების საღამო მოაწყოთ თქვენს მეზობელ ჰოსტებთან ერთად და ერთმანეთს გაუზიაროთ პირადი გამოცდილება.

ბიუჯეტური კვების კიდევ ერთი ვარიანტია - საუნივერსიტეტო სასადილოები. იქ წვდომა თავისუფალია და შეგიძლიათ ეს შანსი გამოიყენოთ. ეს ვარიანტი ყველაზე ეკონომიურია ისეთ სახელმწიფოებში, სადაც სტუდენტური სასადილოები ნაწილობრივ დაფინანსებულია.

უფასოდ შესვლა მუზეუმში

მსოფლიოს თითქმის ყველა მუზეუმში არის ლგოტური დღეები ან საათები, როცა იქ მოხვედრა სრულიად უფასოდ შეგიძლიათ. ინფორმაცია ასეთი დღეების შესახებ ყოველთვის დევს მუზეუმების ვებ-გვერდებზე, ან აღნიშნული საკითხი ადგილზევე შეგიძლიათ გაარკვიოთ. მაგალითად, პარიზის ლუვრის კარი სრულიად უფასოდ ღიაა ნებისმიერი მნახველისთვის ახალი თვის ყოველ პირველ კვირა დღეს.

 

მოგზაურობა გაცილებით ხელმისაწვდომი და სასიამოვნო იქნება, თუ სტატიიდან მიღებულ სასარგებლო ინფორმაციას დაემატება ჩვენს ვებ-გვერდზე არსებული ყველაზე იაფი ავიაბილეთები, რომელთა შეძენაც შეგიძლიათ მარტივად, თან ონლაინ-განვადებით.

ისარგებლეთ ჩვენი სერვისით, იმოგზაურეთ დღეს, გადაიხადეთ ხვალ!

 

0

როცა ბევრი საოცნებო ადგილია, რომლის მონახულებაც გსურთ და საკმარისი თანხა არ გაქვთ - როგორ უნდა მოძებნოთ გამოსავალი? რამდენი გჭირდებათ მოგზაურობისთვის? ღირს კი კრედიტით მოგზაურობა? სტატიაში გაეცნობით ამ და სხვა შეკითხვებზე პასუხები და რჩევებს, რომლებიც აუცილებლად გამოგადგებათ მოგზაურობისას.

სად გვეხარჯება ფული მოგზაურობისას?

შეიძლება გაგიკვირდეთ, მაგრამ 150-200 ევრო თუ გექნებათ ჯიბეზე, ევროპაში რამოდენიმე დღით მოგზაურობას თავისუფლად შეძლებთ, ხოლო აზიაში ამ ფასად კარგად კვებას და კარგ სასტუმროში დარჩენასაც მოახერხებთ რამოდენიმე დღის მანძილზე.

გაინტერესებთ მოგზაურობისას ძირითადად რაში იხარჯება თანხა? - კვებაში, საცხოვრებელში, ტრანსპორტში, საინტერესო სანახაობებში, საყიდლებში და ა.შ.

კვება —ეს ყველაზე მარტივად მოსაგვარებელი საკითხია. იკვებეთ იქ, სადაც ადგილობრივები იკვებებიან, ასე გარანტირებულად იაფი და გემრიელი იქნება. თუ გექნებათ საშუალება პროდუქტები შეიძინეთ და თავად მოამზადეთ.

საცხოვრებელი სასტუმრო ერთადერთი ვარიანტი არ არის, სადაც დარჩენა შეგიძლიათ მოგზაურობის დროს. თქვენ შეგიძლიათ მოძებნოთ ადამიანი, რომელსაც დაუმეგობრდებით და მასთან იცხოვროთ, ან იპოვოთ კარგი სასტუმრო, სადაც ფასდაკლებები აქვთ.

ტრანსპორტი  — ეს საკითხი დამოკიდებულია სიტუაციაზე. თუ თვითმფრინავით მგზავრობთ, ბილეთი წინასწარ დაუკვეთეთ, კარგად დაათვალიერეთ ვებ-გვერდები, რომლებსაც აქვთ ავიაბილეთები ონლაინ  და თქვენთვის საინტერესო მიმართულების ტურებზე ფასდაკლებები.

თუ თქვენ ევროპაში მოგზაურობთ - მოძებნეთ ავტობუსები და ავტო-ტურები, რომლებიც ემსახურებიან ტურისტებს, ხოლო აზიაში კარგი მატარებლები და ჯიპები. 

სანახაობა — საღ აზრს ნუ დაკარგავთ. თქვენ სრულიად უცხო კულტურასთან გექნებათ საქმე მოგზაურობისას და შეიძლება ბევრი რამ გასაოცრად მოგეჩვენოთ. თუმცა, გახსოვდეთ, რომ ვერასოდეს იქნება ვერცერთი ქვეყანა ისეთი, როგორიც წარმოგედგინათ. რეაქცია ყველას თავისებური აქვს - დაწყებული შიშით და დეპრესიით და ეიფორიით დამთავრებული. ამიტომ, უცხო ქვეყანაში მოგზაურობისას გააკეთეთ მხოლოდ ის, რაც მოგწონთ და არ შეცდებით. 

შოპინგი&საჩუქრები  —  უთხარით საკუთარ თავს, რომ ყველაფერი საკმარისად ნაყიდი გაქვთ, რომ ნივთები ბარგს ემატება და თქვენი სატარებელი გახდება. ყოველ არაპროდუქტიულ შენაძენზე კარგად დაფიქრდით. იყიდეთ მხოლოდ ყველაზე აუცილებელი ან უნიკალური, მაგალითად სუვენირის სახით, რაც სამახსოვროდ დაგრჩებათ.

 

რა რაოდენობის თანხა უნდა იქონიოთ მოგზაურობისას?

მოგზაურობისას თან წაიღეთ თქვენთვის ხელმისაწვდომი და ხელსაყრელი თანხა, რა თქმა უნდა 100 ევროდ მოგზაურობა შეუძლებელია, მაგრამ ნერვულ ფონზე გადამლაშებაც ნამდვილად არ ღირს. კარგი იქნება დისტანციური სამუშაოს საკითხის მოგვარებას თუ შეძლებთ, რათა უზრუნველყოფილი გქონდეთ ფულადი სახსრების მოდინება. აქედან გამომდინარე ყურადღება მიაქციეთ საბანკო ბარათების გამოყენების შეზღუდვებს - თქვენთვის კარგი იქნება ბარათი, რომლითაც საზღვარგარეთაც უპრობლემოდ ისარგებლებთ.

 

კრედიტით მოგზაურობა

ვალს ნუ აიღებთ „ყოველი შემთხვევისთვის“. უმჯობესია ყველა სიტუაცია მოარგოთ თქვენს ფინანსურ შესაძლებლობებს, კრედიტი კი მხოლოდ ერთ-ერთი მათგანია.

სამოგზაუროდ რაც უფრო მეტ თანხას წაიღებთ, მით უფრო მეტი დაგეხარჯებათ, რადგან ამ დროს ფულის კონტროლი ძალიან რთულია.

თუ ფული „შემოგეხარჯათ“

მაშ ასე, თქვენ მოგზაურობთ, ივსებით შთაბეჭდილებებით და გამოცდილებით და უცებ აღმოაჩენთ, რომ ფული გიმთავრდებათ...

ეს ტრაგედია არ არის, პირიქით,ისიამოვნეთ ამ მომენტით! თქვენ გახდით ნამდვილი მოგზაური! თქვენ ენდობით საკუთარ თავს და გარესამყაროს, რომლებიც არასოდეს გიღალატებენ. ეს შთაგაგონებთ და თქვენს მეგობრებს აღაფრთოვანებს, როცა მათ მოუყვებით თუ როგორ შეძელით ასეთი სიტუაციიდან გამოსვლა. ეს სამომავლოდ, მაგრამ ახლა სჯობს  კითხვა გააგრძელოთ და გაეცნოთ იმ რჩევებს, თუ რა უნდა გააკეთოთ რეალურად ასეთ დროს:

§  არ ჩავარდეთ პანიკაში;

§  ფულის გამომუშავება ადგილობრივადაც შეგიძლიათ;

§  შეგიძლიათ ისესხოთ;

§  დახმარება სთხოვოთ ადგილობრივებს;

§  გადაადგილდეთ ავტოსტოპით;

§  ჩააბაროთ სისხლი ან სპერმა;

§  მოაგროვოთ მინის ან პლასმასის ტარა და ჩააბაროთ;

§  გაყიდოთ ისეთი ნივთები, რომლებიც არ გჭირდებათ;

§  რამე კრეატიული გააკეთოთ...

ასეთ დროს ფულის შეგროვების კარგი ვარიანტია სოც-ქსელში თქვენი სიტუაციის შესახებ დაწერა, რასაც ასევე დაურთავთ ფოტო და ვიდეო მასალებს იმ ადგილიდან, სადაც იმყოფებით. სტატუსები და წერილები იდეალურია ეფექტური კომუნიკაციისთვის. ამაში სასირცხვილო არაფერია, რადგან ის ადამიანები, რომლებიც ასეთ დროს ფინანსურად დაგეხმარებიან, ამას გულახდილად გააკეთებენ. თუ ფულის თხოვნას ადგილობრივებისთვის გადაწყვეტთ, მაშინ გულახდილად აუხსენით სიტუაცია და უთხარით, რომ მართლა ძალიან გსურთ მათ ქვეყანაში დაგეგმილი მოგზაურობის გაგრძელება - ეს მომენტი კარგად მუშაობს, ისინი აუცილებლად დაგეხმარებიან.

არასოდეს ითავხედოთ: თუ სახლში შეგიშვეს ერთი ღამით, აუცილებლად დატოვეთ სახლი მოცემულ ვადაში. თუ სუფრასთან მიგიწვიეს, უარს ნუ იტყვით, ეს გულახდილი შეთავაზება იქნება, მხოლოდ მსუბუქად მიირთვით, სუფრასთან ჯდომას დიდანს ნუ გაწელავთ, მადლობა უთხარით მასპინძელს და დაემშვიდობეთ. ევროპაში შესაძლებელია ბოთლებისა და ქილების ჩაბარება (პლასტმასი, შუშა, მეტალი) - თანხა 15-25 ევრო ცენტია, ფულს პირდაპირ სუპერმარკეტშიც გაგინაღდებენ.

ინტუიცია — must have

ყველა ჩვენგანის ცხოვრებაში ყოფილა შემთხვევა, როცა რთულ სიტუაციაში გადაწყვეტილება თავისთავად მოსულა, მაშინაც კი, როცა ხელს ვკრავდით გამოსავალს. გადახურებული გონება ვეღარ ფუნქციონირებდა და ირთვებოდა „დამცველი“. ეს არის ინტუიცია - მისი გამოყენება მოგზაურობისას ნამდვილად არ გაწყენთ.

0

თვითმფრინავში რეკომენდირებული არ არის ალკოჰოლის მიღება. ფრენის შემდეგ კარგად მიირთვით, არ დაიძინოთ საკვების მიღების შემდეგ და შეეცადეთ შეინარჩუნოთ აქტივობა. თუ ფრენა დიდხანს გრძელდება, გამოძინება მანამ მოასწარით, სანამ დანიშნულების ადგილზე ჩახვალთ.

ვალაგებთ ნივთებს

იმისათვის, რომ ნივთები დაზიანების და დაკარგვის გარეშე ჩაიტანოთ დანიშნულების ადგილამდე, საჭიროა იცოდეთ რამოდენიმე თავისებურება, რაც ეხება ბარგის ნაწილს და დაიცვათ წესები:

 

1. რაც უფრო მეტს იწონის თქვენი ჩანთა, მით უფრო უხეშად ეპყრობიან ტვირთის განყოფილების თანამშრომლები მას, მაგალითად, შესაძლოა მოატეხონ ხელის მოსაკიდებელი და ა.შ. ამიტომ, მძიმე ბაგაჟისთვის შეარჩიეთ მოსახერხებელი ფორმის ჩანთა ბორბლებით — ასეთი ჩანთა მარტივად დასატვირთი იქნება და თქვენი ნივთებიც ნაკლებად დაზიანდება. 

2. ბარგის სანიშნეზე მიუთითეთ თქვენი სახელი, მისამართი და ტელეფონის ნომერი იმისათვის, რომ ბაგაჟის დაკარგვის შემთხვევაში ადვილი იყოს თქვენი მოძებნა. 

3. ყოველთვის მოაცილეთ ჩანთას ძველი სანიშნეები, წინააღმდეგ შემთხვევაში დაკარგული ბაგაჟი შეიძლება გამოაგზავნონ არასწორ მისამართზე. 

4. უმჯობესია ჩანთაში არ დატოვოთ ცარიელი ადგილები: ამის გამო ნივთები ზიანდება, მოძრაობს და შეიძლება დაზიანდეს. ცარიელი ადგილი შეგიძლიათ შეავსოთ ჟურნალ-გაზეთებით. 

5. გამგზავრების წინ ავიაკომპანიის საიტზე გაარკვიეთ, თუ რა ითვლება ხელბარგად. 

6. პირველადი აუცილებლობის ნივთები ჩაალაგეთ ხელბარგში. 

7. ბარგის ჩაბარებისას ფოტო გადაუღეთ ჩანთას, რათა დაკარგვის შემთხვევაში ადვილად აუხსნათ აეროპორტის თანამშრომლებს, თუ როგორ გამოიყურებოდა თქვენი ჩანთა.

მძიმე ბარგის ყველაზე დიდი მინუსია მოუხერხებლობა, განსაკუთრებით მარტო მგზავრობისას.

 

თქვენ შეგიძლიათ თან წაიღოთ შედარებით მსუბუქი ტვირთი, ყველაფერი ერთ ჩანთაში მოათავსოთ და არ გადაიხადოთ ფული ზედმეტი კილოგრამებისთვის. მაგალითად:

 

გაყავით ნივთები თუ მარტო არ მოგზაურობთ, შეგიძლიათ ბარგი გაყოთ. მაგალითად, ცალკე ჩაალაგოთ ის ნივთები, რომლითაც ყველა სარგებლობს - თქვენ ჩანთაში ჩადეთ შამპუნი, ხოლო თქვენი თანამგზავრის ჩანთაში კბილის პასტა.

ტანსაცმელი ჩაალაგეთ ერთმანეთთან შეხამებულად.ასე ადვილად დააკომბინირებთ ყოველდღიურ ჩასაცმელს და არც ზედმეტად აგერევათ ჩანთა. 

წვრილმანი ნივთები მათი ჩალაგება შეგიძლიათ ერთმანეთში, მაგალითად ფოტოაპარატი ფეხსაცმელში და ა.შ.

 

წაიღეთ მრავალფუნქციური ნივთები მგალითად, შამპუნის და დუშ-გელის ნაცვლად შეგიძლიათ მხოლოდ შამპუნი წაიღოთ. ტანსაცმელიც ამ საშუალებით შეგიძლიათ გარეცხოთ.

თუ ამ წესებს დაიცავთ, დარწმუნდებით, რომ ჩანთაში გაცილებით მეტი ნივთი ეტევა, თუ მათ სწორად ჩაალაგებთ.

 

როგორ უნდა დაზოგოთ თანხა ტაქსიზე

არსებობს შესანიშნავი მეთოდი, რომელიც მსოფლიოს აეროპორტების უმრავლესობაში მოქმედებს.

უნდა მიხვიდეთ იმ ადგილას, სადაც წამსვლელი მგზავრები მოყავთ და ჩაჯდეთ ერთ-ერთ ახლადმოსულ ტაქსში. მძღოლი კმაყოფილი დარჩება იმით, რომ უკან გზაზე ცარიელს არ მოუწევს წასვლა, მთავარია მისი მანქანა არ იყოს მიბმული აეროპორტი ე.წ. „Pre-paid“ წერტილზე. ამ მეთოდის ერთადერთი სირუთულე არის იმაში, რომ ჩამოსვლის ზონიდან წასვლის ზონასთან მისვლა არც თუ ისე მარტივი აღმოჩნდეს. ეს ზონები შეიძლება აეროპორტის შენობის სრულიად სხვადასხვა მხარეს იყოს განთავსებული, მაგრამ დანაზოგი ამ შემთხვევაში 70%-იანი იქნება, ამიტომ ღირს იქამდე მისვლა!

 

ინფორმაცია: ცხოველებთან ერთად მოგზაურობაზე

0

თუ მოგზაურობისას გადაწყვიტეთ შინაური ცხოველი წაიყვანოთ თან, გაითვალისწინეთ, რომ არსებობს რამოდენიმე წესი, რომელთა დაცვა აუცილებლად მოგიწევთ:

1 - გაარკვიეთ წესები და მოთხოვნები, რომლებიც არსებობს თქვენს ქვეყანაში და ასევე გამგზავრების ქვეყანაში ცხოველებით მოგზაურობასთან დაკავშირებით. ვაქცინაცია უნდა მოხდეს გამგზავრებამდე მინიმუმ ერთი თვით და არაუმეტეს  ერთი წლით ადრე.

 

2 - გააფორმეთ ვეტერინარული ანკეტა ცხოველის ჯანმრთელობის დადასტურების მიზნით გამგზავრებამდე მინიმუმ 10 დღით ადრე.

 

3 - ასევე უნდა იქონიოთ დოკუმენტი, რომელიც დაადასტურებს, რომ თქვენ არ ახდენთ იშვიათი ჯიშის ცხოველის ტრანსპორტირებას.

 

4 - თვითმფრინავის სალონში შეგიძლიათ შეიყვანოთ ცხოველი, რომლის წონა გალიასთან ერთად არ აღემატება 5 კგ-ს.

 

5 - გალია უნდა დადგათ სავარძლის ქვეშ, სადაც ჯდებით.

 

6 - მოთხოვნები გალიაზე:

1. გალიაში ცხოველებს უნდა შეეძლოთ ფეხზე დამდგარ მდგომარეობაში ყოფნა, აწეული თავით ისე, რომ არ ეხებოდნენ გალიის სახურავს, და ასევე მოხერხებულად წოლა. 2. გალია უნდა იყოს მყარი პლასტმასის მასალის, ჩადგმული მეტალის კარით. 3. გალიაზე მიმაგრებული უნდა იყოს ცხოველის პასპორტის ასლი. 4. გალიაში უნდა იყოს ჭურჭელი საკვებისა და წყლისთვის. 5. ჭურჭელი მოსახერხებლად მისაწვდომი უნდა იყოს დახურული კარის მდგომარეობაშიც. 6. გალიის ძირზე დაფენილი უნდა იყოს სითხის შემწოვი მასალა: ნაჭერი, გაზეთი ან სხვა. 7. გალიაზე უნდა იყოს მიკრული წარწერა Live Animal და ასევე ცხოველის სახელი, მისამართი და პატრონის საკონტაქტო ნომერი. 8. გალიაში არ უნდა იყოს ალიკაპი ან დასაბმელი. 9. გალიის კარს უნდა ჰქონდეს კარგი ჩამკეტი. 10. გალიას მოხსნილი უნდა ჰქონდეს ბორბლები.

 

7 - თუ ცხოველის წონა გალიასთან ერთად აღემატება დასაშვებს, მისი გადატანა ხდება სატვირთო განყოფილებაში და მოგიწევთ მასზე, როგორც ზენორმატიულ ბარგზე თანხის გადახდა. თუ ცხოველი 40 კგ-ზე მეტს იწონის, დაგჭირდებათ ცალკე ბილეთის შეძენა, თუმცა მგზავრობას ის მხოლოდ სატვირთო განყოფილებით და თან გალიით შეძლებს.

 

8 - გამგზავრებამდე 12 საათით ადრე არ აჭამოთ და 4 საათით ადრე წყალი არ დაალევინოთ ცხოველს. თუ ცხოველი მოუსვენარია, შეგიძლიათ გამოიყენოთ ტრანკვილიზატორი.

 

0

ავიაბილეთბის იაფად შეძენით მოგზაურობა შესაძლებელი ხდება წელიწადში არა 1-2-ჯერ, არამედ გაცილებით ხშირად. ავიაბილეთის ფასი დამოკიდებულია კვირის დღეზე, სეზონზე, მგზავრობამდე დარჩენილ დღეებზე და ბევრ სხვა რამეზე, რისი ცოდნაც ნამდვილად სასარგებლოა ბილეთის დაჯავშნამდე.

თუ თქვენ დროისა და ფინანსების დაზოგვა გსურთ და ეძებთ ავიაბილეთებს იაფად, მაშინც ჩვენს სტატიაში მოცემული რჩევები და price.ge-ზე ყველაზე დაბალ ფასში შერჩეული და განვადებით შეძენილი ავიაბილეთი, რომელსაც შეძენის შემდეგ ჩვენ მოგაწვდით საქართველოს მასშტაბით, შენამდვილად გამოგადგებათ. წაიკითხეთ, გაითვალისწინეთ ჩვენი რჩევები, გამოიყენეთ price.ge-ზე ავიაბილეთის ყველაზე იაფად და რაც მთავარია - განვადებით შეძენის შესაძლებლობა და დაგეგმეთ მოგზაურობა ახლავე! ავიაბილეთები შეიძინეთ ღამით ან დილით ადრე, სანამ სამუშაო დღე დაიწყება. ამ დროს ბილეთების ფასი დაბალია, არჩევანი კი დიდი. აირჩიეთ მოქნილი თარიღები. გადახედეთ ფრენის განრიგს ყველა მიმართულებით უახლოეს დღეებში (± 3 დღე). მოძებნეთ ხელსაყრელი თარიღები დაბალი ფასების კალენდრის დახმარებით. ავიაბილეთებზე საუკეთესო ფასის შეთავაზება არის რეისის გამგზავრებამდე 2 თვით ადრე (50-60 დღე). ზაფხულის მიმართულებებზე ბილეთების შეძენა ყველაზე მომგებიანია დეკემბერში. გაითვალისწინეთ, რაც უფრო ნაკლები ადგილია თვითმფრინავში, მით უფრო მაღალია ფასი ბილეთებზე. გამოიწერეთ ავიაკომპანიების სიახლეები და პირველმა გაიგეთ აქციებისა და სპეციალური შეთავაზებების შესახებ. რეგულარული ამოყიდვები იწყება თებერვლიდან მარტის ჩათვლით და ოქტომბერ-ნოემბერში. ორმხრივი ავიაბილეთები შეიძინეთ შუა კვირაში. ყველაზე იაფად ავიაბილეთებს ყიდიან სამშაბათს, ოთხშაბათს და ხუთშაბათს, ხოლო ყველაზე ძვირად - შაბათ-კვირას და სადღესასწაულო დღეებში. შეეცადეთ შაბათს საღამოდან კვირის ჩათვლით იყოთ დანიშნულების ადგილას. ავიაბლეთები საღამოს ან ღამის რეისებზე უფრო იაფი ღირს, ვიდრე დილით და დღისით. ამ დროს უნდა გაითვალისწინოთ დამატებითი ხარჯები ტაქსისთვის (სხვა ტიპის ტრანსპორტი შეიძლება ხელმისაწვდომი არ იყოს). იფრინეთ სეზონშორის პერიოდში. ეს სულაც არ ნიშნავს ცუდ ამინდს, უბრალოდ ამ დროს უფრო ნაკლები ადმაინები მოგზაურობენ, ეს კი იმას ნიშნავს, რომ ფასები იკლებს არამარტო ავიაბილეთებზე, არამედ სასტუმროებზეც. ავიაბილეთი შეიძინეთ ორივე მიმართულებით (RT–Round Trip). ცალმხრივი ავიაბილეთი (OW–One Way) შეიძლება უფრო ძვირი ღირდეს, ვიდრე ორმხრივი. მოძებნეთ ჩარტერულ რეისებზე დარჩენილი და ამოსაყიდი ბილეთები. გაუყიდავი ადგილები ჩარტერულ რეისებზე ჩნდება რეისის გასვლამდე რამოდენიმე დღით ადრე. ფრენების მიმართულებები ეძებეთ კურორტებსა და პოპულარულ ქალაქებში, სადაც იყიდება ტურები. იფრინეთ გადაჯდომით, ასე საკმაო თანხას დაგიზოგავთ. აუცილებლად მიაქციეთ ყურედღება დროს დამაკავშირებელ რეისებს შორის და ფრენის მთლიან ხანგრძლივობას. იფრინეთ დაბალბიუჯეტიანი ავიაკომპანიებით, რომლებიც ყოველთვის სთავაზობენ დაბალ ფასს ავიაბილეთებზე. ავიაბილეთის ფასი იქნება კიდევ უფრო დაბალი, თუ არ გადაიხდით დამატებით მომსახურებებში: ბაგაჟზე, კვებაზე, რეგისტრაციაზე... ყველა ქვეყანაში არის ადგილობრივი დაბალბიუჯეტიანი ე.წ. „Law coaster“-ები. ავიაბილეთის ძებნისას გამოიყენეთ საძიებო სისტემები.

საძიებო სისტემები პოულობენ ერთდროულად ყველა შეთავაზებას მითითებულ მიმართულებაზე და თქვენ ისღა გრჩებათ, რომ აირჩიოთ სასურველი. ერთ-ერთი ყველაზე მოსახერხებელი ავიაბილეთების საძიებო სისტემა არის სწორედ price.ge, ამ პლატფორმაზე შესაძლებელია  ყველაზე იაფი ავიაბილეთების მოძებნა. საძიებო ფორმაში ჩაწერეთ გაფრენის და ჩამოფრენის ადგილი, აირჩიეთ თარიღები და საძიებო სისტემა გაჩვენებთ ყველა შეთავაზებას, რაც კი არის დაბალ ფასში. აღნიშნული სისტემა ძალიან სწრაფი და მარტივად გამოსაყენებელია. სცადეთ ახლავე! იფრინეთ დღეს, გადაიხადეთ ხვალ!

 

მეტასაძიებო სისტემები პოულობენ ერთდროულად ყველა შეთავაზებას მითითებულ მიმართულებაზე და თქვენ ისღა გრჩებათ, რომ აირჩიოთ სასურველი. ერთ-ერთი ყველაზე მოსახერხებელი ავიაბილეთების საძიებო სისტემა არის - PRICE.GE, ამ პლატფორმაზე შესაძლებელია 700-ზე მეტი ავიაკომპანიის, სააგენტოს და დაჯავშნის სისტემის ფასების შედარება. მეტი თვალსაჩინოებისთვის aviasales-ი აჩვენებს ყველაზე დაბალ ფასებს.

საძიებო ფორმაში ჩაწერეთ გაფრენის და ჩამოფრენის ადგილი, აირჩიეთ თარიღები და მეტასაძიებო სისტემა გაჩვენებთ ყველა შეთავაზებას დაბალ ფასში. აღნიშნული სისტემა ძალიან სწრაფი და მარტივად გამოსაყენებელია. სცადეთ ახლავე!

aviabiletebi