ნაწილი 4 - რა უნდა გააკეთოთ სამოგზაუროდ წასვლის წინ
მოგწონს სტატია?

ნაწილი 4 - რა უნდა გააკეთოთ სამოგზაუროდ წასვლის წინ

სანამ სამოგზაუროდ წახვალთ, იზრუნეთ გარკვეულ საკითხებზე, რათა თავიდან აიცილოთ პრობლემები დაბრუნების შემდეგ და არ ჩაგშხამდეთ სასიამოვნოდ გატარებული დრო:

1. გადაიხადეთ კრედიტი, ჯარიმა, ვალები - თუ ასეთი გაქვთ რა თქმა უნდა.

2. შეატყობინეთ ბანკს იმის შესახებ, რომ საზღვარგარეთ მიდიხართ და მოაგვარეთ ბარათის მოქმედების პირობებთან დაკავშირებული საკითხები, მაგალითად რომ არ დაგიბლოკონ.

3. გაანაღდეთ რამოდენიმე ასეული დოლარი იმისათვის, რომ საზღვარგარეთ ყოფნისას ანგარიშსწორება მოახდინოთ ისეთ ადგილებში, სადაც არ იღებენ პლასტიკურ ბარათებს. 

4. გადაიღეთ გასამგზავრებლად საჭირო დოკუმენტების ასელბი და იქონიეთ ორიგინალებისგან ცალკე, რომ დაკარგვის შემთხვევაში ყოველთვის გქონდეთ პირადობის დამადასტურებელი დოკუმენტაციის წარდგენის საშუალება.

5. შეინახეთ დოკუმენტების სკანირებული ვარიანტები ისეთ ონლაინ მეხსიერების სივრცეებში, როგორიცაა მაგალითად Google Drive.

6. გაარკვიეთ, გჭირდებათ თუ არა საერთაშორისი მართვის მოწმობა იმისათვის, რომ დასვენების ადგილზე შეძლოთ ავტომობილის ქირაობა და მართვა. 

7. აწონეთ ბარგი რათა დარწმუნდეთ, რომ მისი წონა არ აჭარბებს ავიაკომპანიის მიერ დაშვებულ ნორმას.

 8. გადაწყვიტეთ რით მიხვალთ აეროპორტამდე და ნამდვილად გეყოფათ თუ არა დრო.

9. მოაგვარეთ სახლის ქსელთან დაკავშირების გზა, იმ შემთხვევისთვის, თუ მასთან წვდომა დაგჭირდებათ.

10. გადაამოწმეთ, არის თუ არა Wi-Fi დანიშნულების ადგილამდე მისასვლელ გზაზე და თავად დანიშნულების ადგილზე.

11. ჩართეთ სატელეფონო ბარათზე სამოგზაურო ტარიფი და ინტერნეტ-პაკეტი როუმინგისთვის.

12. დაუტოვეთ სახლის გასაღები იმ ადამიანებს, ვისაც ენდობით. მეზობლებს დაუტოვეთ იმ ადამიანების საკონტაქტო ინფორმაცია, ვისაც გასაღებს დაუტოვებთ თქვენი არყოფნის პერიოდში. 

13. დაუტოვეთ ავტომობილის გასაღები ასევე ნდობით აღჭურვილ ადამიანებს ან ოჯახის წევრებს. შეგიძლიათ მათ სახელზე გააფორმოთ მინდობილობაც. 

14. ამობეჭდეთ სამოგზაურო მარშრუტი, ბილეთები და პასპორტის ასლი, ჯავშანი და დაზღვევა იმ შემთხვევისთვის, თუ ინტერნეტით ამ დოკუმენტაციას წვდომა შეუძლებელი იქნება.

15. ამობეჭდეთ ან დაიზეპირეთ ახლობლების, საელჩოების, სადაზღვევო კომპანიის, ბანკის, ავიაკომპანიის ცნობათა ბიუროს და სასტუმროს საკონტაქტო ინფორმაცია. 

16. გაარკვიეთ რა ტიპის ჩამრთველები აქვთ სასტუმროში, სადაც უნდა დარჩეთ, რათა წინასწარ შეიძინოთ გადამყვანი გაჯეტების დასატენად. 

17. გადაამოწმეთ მიგაქვთ თუ არა თან დამტენი საშუალებები ყველა გაჯეტისთვის, ასევე მეხსირების ბარათები და შიდა დისკები, რომლებიც შეიძლება დაგჭირდეთ.

18. თან წაიღეთ მსუბუქი საუზმე იმ შემთხვევისთვის, თუ აეროპორტში რეისი გასვლას დააგვიანებს.

19. ჩატვირთეთ ელ-მოწყობილობაზე პოდკასტები, წიგნები, ფილმები, ჟურნალები და ინფორმაცია, რომელიც გაგართობთ რეისის მოლოდინის და ფრენის დროს. 

20. თან წაიღეთ დამატებითი ტელეფონი (არა სმარტფონი) იმ შემთხვევისთვის, თუ სმარტფონს რამე პრობლემა ექნება - კავშირის გარეშე რომ არ დარჩეთ.

გაითვალისწინეთ price.ge-ს სასარგებლო რჩევები, ისარგებლეთ ჩვენი მომსახურებით, რომელიც გთავაზობთ ყველაზე დაბალი ფასის მქონე ავიაბილეთებს ონლაინ-განვადებით, დაგეგმეთ სწორად თქვენი მოგზაურობა და ისიამოვნეთ ცხოვრებით!

price.ge გისურვებთ საინტერესო მოგზაურობას! 

მოგწონს სტატია?
პოპულარული პროდუქტი