ნაწილი 1 - ვემზადებით სამოგზაუროდ
მოგწონს სტატია?

ვემზადებით სამოგზაუროდ

სპონტანურობა — ძალიან მაგარია. ცხელი ტურები, რუკაზე ბრმად ხელის დადებით არჩეული მიმართულებით გამგზავრება და ა.შ. გარკვეული სიამოვნებაა, მაგრამ ჩვენს გარშემო არსებულ სტაბილურად კომფორტულ რეალობაში ასეთი რამ იშვიათად ამართლებს. შესაძლოა ეს სწორიც არის, რადგან პირადი უსაფრთხოება, კეთილდღეობა და კომფორტი პრაქტიკულად განსაზღვრავს იმას, მოგეწონათ თუ არა მოგზაურობა მთლიანობაში.შესაბამისად, სამოგზაუროდ წასვლამდე საჭიროა სერიოზულად განიხილოთ ყველა მომენტი, დაწყებული იმით თუ სად წახვალთ, ვის წაიყვანთ თან და დამთავრებული იმით, თუ როგორ ჩაალაგებთ ბარგს ან რომელი აპლიკაციები დაგჭირდებათ ჩამოსატვირთად.

საჭიროა თანმიმდევრულად მიყოლა და პირველ რიგში გამგზავრების მარშრუტის შერჩევა - გადაწყვიტეთ სად მიდიხართ.

ვირჩევთ მიმართულებას

ტურისტების უმრავლესობა სამოგზაუროდ თბილ ადგილებს ირჩევს, მაგალითად ზღვის სანაპიროს, ან უბრალოდ სადაც უფრო თბილა. არსებობენ ქვეყნები, სადაც მუდმივად ზაფხულია, ასე რომ, სითბოს მოყვარული ტურისტებისთვის ეს პრობლემას ნამდვილად არ წარმოადგენს.

სერფერების, დაივერების და მსგავსი ადამიანებისთვის გასამგზავრებლად საუკეთესო ვარიანტია ავსტრალია. თუმცა არაფრით ჩამოუვარდება მას დომინიკანა, სადაც ადამიანს შეუძლია დატკბეს კარიბის ზღვის წყალქვეშა ხედებით. ასევე მზის მოყვარულთათვის შესაფერისი ადგილია ბალის კუნძული ინდონეზიაში. ტურისტებს სრული რელაქსი ელით ინდოეთში, მაგალითად გოაში. ცხელ ეგვიპტეში მოხვედრა შესაძლებელია წლის ნებისმიერ დროს და საკმაოდ ეკონომიური ბიუჯეტით. ასევე დიდი სიამოვნება ელით ტურისტებს მალდივებზე, სადაც შესაძლებელია ოკეანის ხედებით დატკბობა და ზღვის პროდუქტებით გაჯერებული სამზარეულოს დაგემოვნება.კიდევ ერთი სასიამოვნო დასასვენებელი ადგილი არის სეიშელი, სადაც შესაძლებელია სანაპიროზე გარუჯვა, თევზაობა, დაივინგი და საუკეთესო ხედების ნახვა.საინტერესოა დასვენებისთვის ასევე ტაილანდი, მალაიზია, ვიეტნამი, ტუნისი, ბაჰამის კუნძულები, კუბა, კოლუმბია, ლათინური ამერიკის სხვა ქვეყნები, ეკვადორი და იამაიკა. ერთი სიტყვით, არჩევანი დიდია.

თუ გული ევროპისკენ მიგიწევთ, შეგიძლიათ ისიამოვნოთ მაკედონიის და მონტენეგროს სილამაზით. უვიზო რეჟიმის პირობებში საქართველოდან უვიზოდ მოგზაურობა შესაძლებელია შენგენის ზონის ტერიტორიაზე, რომელიც მოიცავს ევროკავშირის 22 წევრ ქვეყანას, ევროკავშირის 4 არაწევრ ქვეყანას. უვიზო მიმოსვლა ასევე შესაძლებელია შენგენის 4 კანდიდატ ქვეყანასთან: 

ევროკავშირის წევრი შენგენის სივრცის ქვეყნები:  ავსტრია, ბელგია, გერმანია, დანია, ესპანეთი, ესტონეთი, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, საბერძნეთი, საფრანგეთი, სლოვენია, სლოვაკეთი, უნგრეთი, ფინეთი, შვედეთი, ჩეხეთი.

ევროკავშირის არაწევრი შენგენის სივრცის ქვეყნები:  ისლანდია, ლიხტენშტეინი, ნორვეგია და შვეიცარია;

ევროკავშირის წევრი შენგენის კანდიდატი ქვეყნები:  ბულგარეთი, კვიპროსი, რუმინეთი, ხორვატია;

კიდევ ერთი მნიშვნელოვანი ფაქტორი მიმართულების არჩევისას არის თქვენი ბიუჯეტი - ფულის რაოდენობა, რომლის დახარჯვაც შეგიძლიათ მოგზაურობისას.

სამოგზაუროდ სასურველი მიმართულების არჩევის შემდეგ ვჯავშნით ავიაბილეთებს

ავიაბილეთებზე თანხის დასაზოგად, საჭიროა მათი გაყვიდვების თავისებურებების ცოდნა და რამოდენიმე წესის დაცვა:

1 - წინასწარი შეძენასაუკეთესო ვარიანტია, თუ ბილეთებს შეიძენთ გამგზავრებამდე 45 დღით ადრე. თუ ბილეთებს 2-3 თვით ადრე შეიძენთ, ავიაკომპანიები ვერ შეძლებენ აქტუალური ღირებულების გათვლას და ბილეთებს დაადებენ სავარაუდო ფასს, რომელიც დამოკიდებული იქნება წინა წელს ამ მიმართულების რეისის პოპულარობაზე. ხოლო თუ რეისის შესრულებამდე დარჩენილი იქნება 45 დღე, ის მიმდინარე წელს დაფიქსირებულ მგზავრთა ნაკადის სრულად შესაბამისი იქნება.

2 - კვირის სწორი დღე და შეკვეთის დროუმჯობესია ბილეთი დაუკვეთოთ შუა კვირაში, როცა რეისები ნახევრად ცარიელია - ორშაბათიდან ხუთშაბათის ჩათვლით. ღამის პირველ საათზე. გაითვალისწინეთ, ფასდაკლებები კვირას საღამოდან იწყება. ასეთ დროს აუცილებელია დარეკვა და არა ბილეთის ინტერნეტით დაჯავშნა.

3 - სპონტანურობათუ თქვენ არ გაქვთ გადაწყვეტილი კონკრეტული თარიღი, გადაამოწმეთ სავარაუდო თარიღთან ახლოს მყოფი დღეები (3–5 დღე თქვენ მიერ შერჩეულ თარიღამდე და მის შემდეგ). ასევე შეგიძლიათ გამოიწეროთ ავიაკომპანიების განახლებები და მიიღოთ საუკეთესო შეთავაზებები მათგან.

4 - სპეცშეთავაზებებისპეცშეთავაზებები შეიძლება იყოს სეზონის დახურვის, ახალი მიმართულების გახსნის ან უბრალოდ კლიენტების მოზიდვის მიზნით. თუმცა, ასეთი შეთავაზებით შეძენილ ბილეთებს თავისი ნაკლიც აქვთ, მაგალითად მათ უკან ვერ დააბრუნებთ, ან შეიძლება მხოლოდ ნაწილობრივ დააბრუნოთ, არის შეზღუდვა ბარგთან დაკავშირებით და ა.შ.

იმისათვის, რომ მოძებნოთ სპეცშეთავაზება, შეგიძლიათ გამოიწეროთ განახლებები რამოდენიმე ავიაკომპანიის საიტიდან ან გამოიყენოთ საიტი-აგრეგატორები, რომლებიც აგროვებენ ინფორმაციას სხვადასხვა ავიაკომპანიების შეთავაზებებზე.

5 - ინკოგნიტო რეჟიმითუ თქვენ ეძებთ ავიაბილეთებს ინკოგნიტო რეჟიმში, აგრეგატორი საიტები ვერ შეძლებენ თქვენი მდგომარეობის შეფასებას წინა მოთხოვნებიდან გამომდინარე და ფასი დიდად არ შეიცვლება გაიაფებისკენ.

6 - ჩასვლის პუნქტის შეცვლათუ თქვენს მიერ შერჩეული ავიარეისი ერთი ქვეყნის დედაქალაქიდან მეორე ქვეყნის დედაქალაქში ან დიდ ქალაქში სრულდება, შესაძლებელია ბილეთზე ფასის დაკლება იმ შემთხვევაში თუ შეცვლით დანიშნულების ადგილს. მაგალითად, თუ თქვენ თბილისიდან ბერლინში უნდა ჩახვიდეთ, შეგიძლიათ ბილეთ აიღოთ დრეზდენამდე, ხოლო იქედან ბერლინში სახმელეთო ტრანსპორტით გაემგზავროთ. ნაკლებადპოპულარულ აეროპორტებში ბილეთები გაცილებით ნაკლები ღირს, ვიდრე დიდ ქალაქებში.

7 – „ლოუქოსთერები“ეს არის ავიაკომპანიები, რომლებიც მომხმარებელს სთავაზობენ მინიმალურ მომსახურებას და ყველაზე იაფ ავიაბილეთბს. წარმოგიდგენთ ასეთი ავიაკომპანიების ჩამონათვალს:

EasyJet

Vueling

AirBerlin

WizzAir

Flydubai

AirArabia

Pegasus Airlines

AirBaltic

Air One

Price.ge/aviabiletebi  გთავაზობთ სტატიების სერიას, რომლებშიც განვიხილავთ მოგზაურობასთან დაკავშირებულ სასარგებლო და საჭირო სხვა რჩევებსაც, რაც ძალიან დაგეხმარებათ მოგზაურობის სწორად დაგეგმვაში. მანამდე კი მოიფიქრეთ და გადაწყვიტეთ სად გსურთ მოგზაურობა, მოძებნეთ ყველაზე იაფი ავაიაბილეთი Price.ge -ზე, შეავსეთ განაცხადი განვადების მისაღებად, დაელოდეთ ჩვენი ოპერატორების ზარს შეკვეთს დასადასტურებლად, შემდეგ ბანკიდან განვადების დამტკიცებას და ბილეთი სასურველი მიმართულებით, რომელსაც ჩვენ მოგაწვდით საქართველოს მასშტაბით, თქვენია!

არ გამოტოვოთ ჩვენს ვებ-გვერდზე განთავსებული შემდეგ სტატიები მოგზაურობასთან დაკავშირებულ სასარგებლო და საჭირო რჩევებზე. გამოიყენეთ უკვე ნაცადი პრაქტიკული გამოცდილება თქვენი მოგზაურობის დასაგეგმად და მიიღეთ ცხოვრებისგან მაქსიმალური სიამოვნება!

მოგწონს სტატია?
პოპულარული პროდუქტი