Apple-მა აღიარა, რომ ძველი iPhone-ების მუშაობა შეფერხებულია
მოგწონს სტატია?

კომპანია ანელებს პროცესორების სიჩქარეს იმისათვის, რომ დაიცვას სმარტფონები თვითნებური გათიშვისგან.

 

Apple-მა უპასუხა მომხმარებელთა იმ ბრალდებებს, რომლებიც ეხებოდა iPhone-ის ძველი მოდელების მუშაობის შეფერხებას. კომპანიამ აღიარა, რომ მიზანმიმართულად ანელებს პროცესორების ტაქტიკურ სიხშირეს და ამას ხსნის ლითიუმ-იონის ბატარეებით - წერს თავის სტატიაში გამოცემა TechCrunch-ი.

 

დროთა განმავლობაში, ლითიუმ-იონის ბატარეები კარგავენ დატენვის შენარჩუნების უნარს და მოწყობილობის მუშაობის ხელშეწყობას სიცივეში. ამან შეიძლება გამოიწვიოს სმარტფონის მოულოდნელი გათიშვა, რაც საჭიროა სხვა ელექტრონული კომპონენტების დაცვისთვის.

„2016 წელს ჩვენ ჩავუშვით პროცესორის შენელების ფუნქცია iPhone 6, 6s და iPhone SE-თვის, რათა თავიდან აგვერიდებინა სმარტფონების მოულოდნელი და თვითნებური გათიშვა. განახლებული iOS 11.2-ის გამოსვლის შემდეგ, ფუნქცია გაჩნდება iPhone 7-შიც.“  Apple-ის პრეს-სამსახური

 

კომპანიაში აღნიშნეს, რომ Apple-ი ისწრაფვის მომხმარებლისთვის უზრუნველყოს «საუკეთესო გამოცდილება», რომელიც მოიცავს მაღალ წარმადობას და გრძელვადიან მომსახურებას სმარტფონების მხრიდან. სამომავლოდ, ეს ფუნქცია ჩაეშვება სხვა მოწყობილობებისთვისაც, განმარტეს კომპანია Apple-ში.

 

TechCrunch-ის შეფ-რედაქტორი მეთიუ პანზარინო (Matthew Panzarino) თვლის, რომ Apple ცდილობს შეინარჩუნოს ეკონომიკური ბალანსი: თუკი კომპანია წინასწარ გააფრთხილებს მომხმარებელს პროცესორების მუშაობის შენელებასთან დაკავშირებით და ამასთან ვერ გააკეთებს საკმარის განმარტებას აღნიშნული გადაწყვეტილების მიღების მიზეზებთან დაკავშირებით, მომხმარებელმა შეიძლება შეცვალოს ბატარეა ან ტელეფონი, რომელიც რეალურად არ საჭიროებს შეცვლას.

 

პანზარინომა ასევე აღნიშნა, რომ უმეტეს შემთხვევებში, მომხმარებლები ვერც კი ამჩნევენ პროცესორების შენელებულ მუშაობას, რამდენადაც ისინი სრული დატვირთვით გამოიყენება მხოლოდ მაშინ, როცა სერიოზული გამოთვლითი რესურსებია საჭირო. მაგალითად, ეს შეიძლება იყოს 3D-აპლიკაციები და თამაშები.

 

ძველი მოდელის iPhone-ების მუშაობის შენელების პრობლემას პირველად მიხვდნენ Reddit-ის მომხმარებლები და ხმაურიც დაიწყეს ამ თემის გარშემო დეკემბრის დასაწყისში. მათ გაარკვიეს, რომ ბატარეის გამოცვლის შემდეგ, ძველი მოწყობილობები სწრაფად მუშაობას იწყებენ. ტესტების შემდეგ, მომხმარებლები მივიდნენ იმ დასკვნამდე, რომ Apple-ი მიზანმიმართულად ახდენს პროცესორების მუშაობის შენელებას ძველ მოწყობილობებში.

 

 

მოგწონს სტატია?
პოპულარული პროდუქტი