2017 წლის 10 საუკეთესო სმარტფონი. სამსუნგი თუ აიფონი?
მოგწონს სტატია?

ახლოვდება ახალი წელი, ეს კი იმას ნიშნავს, რომ აარჩიოთ საჩუქრები თქვენთვის და ახლობლებისთვის. TechRadar-მა შეადგინა 2017 წლის საუკეთესო სმარტფონების ტოპ-ათეული.

2017 წელი სმარტფონების ფანატებისთვის ნიშანდობლივი იყო. მობილური მოწყობილობების უმსხვილესმა მწარმოებლებმა ბაზარზე ახალი მოდელები გამოიტანეს და ყველანაირი საფასო კატეგორიისთვის შექმნეს განუსაზღვრელი არჩევანის საშუალება. პორტალმა TechRadar შეადარა მოდელები და შეადგინა საუკეთესო სმარტფონების რეიტინგი ყველა პარამეტრების შეფასებით - დაწყებული ფასით და ხარისხით, და დიზაინითა და მონაცემებით დასრულებული.

 

მე-10 ადგილი: OnePlus 5T

 

სახის ამოცნობის ტექნოლოგია, 6 დიუმიანი დისფლეი 18:9, ორმაგი კამერა - და ეს ყველაფერი ისეთ ფასად, რომელიც მნიშვნელოვნად განსხვავდება ინდუსტრიის «ტიტანებისგან», როგორიცაა Apple და Samsung. იმისათვის, რომ დაბალი ფასის დადება გამხდარიყო შესაძლებელი, საჭირო გახდა ისეთ მონაცემებზე უარის თქმა, როგორიცაა ხმის სტერეოგამაძლირებლები და QHD-ეკრანი, მაგრამ მომხმარებელთა უმრავლესობისთვის ის მაინც რჩება მაღალფუნქციური კატეგორიის, და რაც მთავარია ხელმისაწვდომ Android-სმარტფონად.

 

მე-9 ადგილი: iPhone 8 Plus

 

ფლაგმანი სმარტფონი Apple-გან ამჯერად იკავებს ბოლოს წინა ადგილს რეიტინგში. «ვაშლიანი» გაჯეტები ხშირად ხდებიან TechRadar-ის კრიტიკის საგანი, რისი მიზეზიც არის არასწორად გაბერილი ფასები. რაც არ უნდა იყოს, მის წინამორბედ iPhone X-თან შედარებითაც მერვე მოდელი კვლავ რჩება საუკეთესო გაჯეტად (რა თქმა უნდა იმ პირობით, თუ თქვენ შეგიძლიათ საკუთარ თავს მისი ყიდვის უფლება მისცეთ...). უკაბელო დატენვის ტექნოლოგიამ და დისფლეის განახლების ფუნქციამ, მიუხედავად იმისა, რომ ვერ გახდნენ ინოვაცია, სმარტფონი გაცილებით კომფორტული გახადეს.

 

მე-8 ადგილი: LG G6

 

2017 წლის ტექნოლოგიებში, თითქოს G6 არც ისე წარმატებული ტელეფონი იყო, თუმცა, მისი გამოჩენის შემდეგ მსგავსი ტიპის გაჯეტების ფასმა საკმაოდ დაიკლო და ხელმისაწვდომი გახდა. 5.7 დიუმიანი QHD-დისფლეი, 4 გბ ოპერატიული მეხსიერება და ორი კამერა, რომელთაგან ერთი აღჭურვილია ფართოკუთხიანი ობიექტივით - ნამდვილი ფუფუნებაა მათთვის, ვიასც უყვარს არამარტო სელფის, არამედ ატმოსფერული პეიზაჟების გადაღება. 

 

მე-7 ადგილი: LG V30

 

V30 — ეს არის G6-ის საუკეთესო ვერსია. თავის ხაზში მას გააჩნია ყველაზე ძლიერი პროცესორი, შესანიშნავი კამერა და Quad DAC-ის ტექნოლოგია, რომელიც უზრუნველყოფს კარგ ხმოვანებას და ნამდვილად მოეწონებათ მუსიკის ყველა მოყვარულს.

 

მე-6 ადგილი: Samsung Galaxy Note 8

 

Galaxy-ის სმარტფონები არ საჭიროებენ დამატებით რეკლამირებას და უკვე კარგა ხანია რეკომენდაცია გაუწიეს საკუთარ თავს ბაზარზე. TechRadar-ი აღნიშნავს, რომ ეს მოდელი შესამჩნევად სჯობნის iPhone X-ს: გაცილებით იაფად თქვენ გექნებათ საშუალება შეიძინოთ ტელეფონი, რომელსაც აქვს დღეისათვის ერთ-ერთი საუკეთესო დისფლეი, ძლიერი კამერა და ყოველდღიურად გამოსაყენებელი ფუნქციონალის სრული ნაკრები.

 

მე-5 ადგილი: Huawei Mate 10 Pro

 

თავის კონკურენტებს შორის Mate 10 Pro — ნამდვილი რეკორდსმენია ბატარეასთან მიმართებაში. თუ თქვენ იმათ რიგებში ხართ, ვისაც არ უყვარს ტელეფონის ხშირი დატენვა და თან არ ატარებს პორტატულ დამტენს, მაშინ ეს მოდელი თქვენთვისაა. ავტონომიურ რეჟიმში ტელეფონს შეუძლია ორი დღე-ღამე გაძლოს ერთი დატენვის შემდეგ. სმარტფონის სხვა თავისებურება, რაც ყურადღებას იმსახურებს, წარმოადგენს point-and-shoot ტექნოლოგია, რომელიც კამერის დაკონფიგურირების შემთხვევაში მომხმარებელს საუკეთესო ხარისხის ფოტოების გადაღების შესაძლებლობას უქმნის.

 

მე-4 ადგილი: iPhone X

 

და კვლავ Apple-ის პროდუქცია, რომელიც ფინალისტების სამეულშიც კი ვერ მოხვდა, მიზეზი კი ისევ ფასია. უნდა აღინიშნოს, რომ მოდელი X — ყოველგვარი გადაჭარბების გარეშე, ნამდვილი ბრილიანტია Apple-ის სხვა გაჯეტებს შორის. მისმა ბაზარზე გამოჩენამ ცხარე კამათი გამოიწვია: ნაწილი აცხადებს, რომ სმარტფონი უბრალოდ «ძვირადღირებული სათამაშოა», ნაწილი აღფრთოვანებულია გაჯეტის დიზაინითა და მოცულობით. შესანიშნავი ეკრანი, დიდი უკანა კამერა - ყველაფერი, რაც საჭიროა კომფორტული მუშაობისა და უბრალოდ კარგი დროის გატარებისთვის. 

 

მე-3 ადგილი: Google Pixel 2

 

კომპაქტური, 5 დიუმიანი სმარტფონი მარტივად თავსდება ხელში და საკმაოდ კონკურენტუნარიანია თავისი კატეგორიის სხვა სმარტფონების მიმართ. სმარტფონს აქვს შთამბეჭდავი 12 მეგაპიქსელიანი კამერა, რომელსაც შეუძლია თავი მოიწონოს საუკეთსო პორტრეტული რეჟიმით, ჩიპსეთი Snapdragon 835, 4 გბ ოპერატიული მეხსიერება დაწყალგაუმტარი კორპუსი, რაც მას ხდის ერთ-ერთ საუკეთესო ტელეფონად იმ შემთხვევაში, თუ თქვენ ფუნქციონალზე მაღლა აყენებთ ბრენდს.

 

მე-2 ადგილი: Samsung Galaxy S8 Plus

 

პრაქტიკულად შეუდარებელი მოდელია, რომელიც გამოირჩევა Infinity დისფლეით — ის სრულად ამართლებს მის სახელწოდებას და უზრუნველყოფს ეკრანის პრაქტიკული გამოყენების საშუალებას. ერთადერთი მიზეზი რის გამოც ეს მოდელი არ არის პირველ ადგილზე, არის…

 

1 ადგილი: Samsung Galaxy S8

 

რამდენად გასაკვირიც არ უნდა იყოს, პირვლი ადგილი რეიტინგში დაიკავა არაპრემიუმ კლასის მოდელმა. შესანიშნავი კამერა, უკვე ნახსენები Infinity ტექნოლოგია — ყველაფერი ეს ტელეფონს ხდის კარგ მაგრამ არა საუკეთესო მოდელად. ყველაზე მეტ პოპულარობას ტელეფონმა მიაღწია წლის ბოლოს, როცა მის გარშემო განხილვები განელდა და ფასიც საკმაოდ შემცირდა. სწორედ ამ ვითარებამ გახადა შესაძლებელი შეკრულიყო სამკუთხედი ფასი-ხარისხი-ფუნქციონალი. Galaxy S8 — რეიტინგის სათავეში მყოფი Android-სმარტფონია დღეისათვის.

 

 

მოგწონს სტატია?
პოპულარული პროდუქტი