ავიაბილეთები ყველაზე იაფად

ყველა ავიაკომპანია ერთ საიტზე
განვადება
1  ზრდასრული 1

რომი

რომი - იტალიის დედაქალაქი და სახეა, ის ერთ-ერთი ყველაზე მონახულებადი ადგილია მსოფლიოში.

 

ქალაქის არქიტექტურული ძეგლები ნათლად ასახავენ მის თითქმის სამიათასწლიან ისტორიას. მხატვრები, სკულპტორები და არქიტექტორები ევროპის ყველა კუთხიდან აქ იყრიდნენ თავს იმისათვის, რომ ემუშავათ უმაღლესი სასულიერო პირებისა და რომის პაპების დაკვეთით. აღორძინების ხანაში აქ შეიქმნა არქიტექტურის უმნიშვნელოვანესი ძეგლები.

 

რომში შენარჩუნებულია ანტიკური ხანის ძეგლები, როგორიცაა კოლიზეუმი, პანთეონი, ტრიუმფალური თაღები, არქიტექტურული ანსამბლები, შუა საუკუნეების კვარტლები, მრავალრიცხოვანი სასახლეები და ტაძრები. კლდოვან ფერდობზე მხატვრულად გაშლილ ქალაქს ამშვენებს მარმარილოს კიბეები, მყუდრო სკვერები შადრევნებით, სხვადასხვა ეპოქის მრავალფეროვანი და მრავალრიცხოვანი მონუმენტები.

 

რომი - უნიკალური ქალაქია, მის ფარგლებში მდებარეობს დამოუკიდებელი სახელმწიფო - ვატიკანი, რომელიც კათოლიციზმის მთავარი ცენტრია. აქ უამრავი კათოლიკური ტაძარია, რომლებიც შექმნეს, მოხატეს და მოაპირკეთეს იტალიის საუკეთესო არქიტექტორებმა, მხატვრებმა და სკულპტორებმა.

 

დღეს, აწ უკვე ყოფილი იმპერიისა და თანამედროვე იტალიის სახელმწიფოს სახე - რომი, თავს უყრის წარსულ დიდებულ ათასწლეულებს და თანამედროვეობის რომანტიკას.

 

რომი საერთაშორისო ტურიზმის უმსხვილესი ცენტრია ის იტალიის უმსხვილეს სატრანსპორტო, სამრეწველო და ფინანსურ ცენტრს წარმოადგენს. ეკონომიკის მთავარი დარგია მანქანათმშენებლობა, ქიმიური, პოლიგრაფიული, ავეჯისა და სასურსათო მრეწველობა. თუმცა ძირითადი შემოსავალი ტურიზმიდან შემოდის. ყოველწლიურად რომს სტუმრობს 10 მლნ-ზე მეტი ტურისტი, სწორედ ამიტომ, რომი ითვლება მსოფილის უმსხვილეს ტურისტულ ცენტრად. აქ თავმოყრილია სახელისუფლებო დაწესებულებები, საერთაშორისო ორგანიზაციების და პოლიტიკური პარტიების, საბანკო და სადაზღვევო სფეროში მოღვაწე კომპანიების ოფისები.

 

ტრანსპორტი

ადგილობრივი მეტროპოლიტენი სულ ორი ხაზისგან შედგება, ამიტომ ქალაქში უმჯობესია ავტობუსით ან ტრამვაით გადაადგილება. რომის ქუჩებში მოძრაობენ სხვადასხვა ტურისტული მარშრუტების მქონე ავტობუსები, რომლებიც აღჭურვილია აუდიო-გიდით.

 

დაგეგმე შენი მოგზაურობა! შეიძინეთ ავიაბილეთი განვადებით

 

ავიაბილეთების ონლაინ შეძენის უპირატესობები


მოგზაურობისთვის მზადებისას უდიდესი მნიშვნელობა აქვს დაგეგმვას, რომელშიც შედის ავიაბილეთების დაჯავშნისთვის ოპტიმალური დროის შერჩევა. ასევე მნიშვნელოვანი ფაქტორია ამ შემთხვევაში ბილეთების ონლაინ-დაჯავშნისა და შეძენის სისტემის გამოყენება, რადგან ფასები რადიკალურად განსხვავდება ხსენებულ სისტემასა და ავიაკომპანიების საიტებზე. გარდა ამისა, თქვენ შესაძლებლობა გეძლევად მარტივად მოიძიოთ და შეადაროთ სხვადასხვა შეთავაზებები, შეარჩიოთ თქვენთვის სასურველი მათგანი და რაც მთავარია - დაზოგოთ დრო!



როდის უნდა შეიძინოთ ავიაბილეთები პოპულარული ევროპული და სხვა მიმართულებებით?


თუ გარკვეული ხართ ამ საკითხში, მაშინ საზღვარგარეთ მოგზაურობისას ავიბილეთების ონლაინ-სისტემით შეძენისას თანხის როგორც მინიმუმ 50%-ს დაზოგავთ. ევროპულ ქალაქებში ძალიან ადრე ბილეთის დაჯავშნა საჭირო არ არის: ყველაზე ხელსაყრელია გამგზავრებამდე 3 თვით ადრე შეძენა. დროის ამ ინტერვალით არსებითი ეკონომია გამოდის მიუნხენის, ვენის და ბუდაპეშტის მიმართულების ბილეთების შეძენისას. მათთვის, ვინც პრაღაში მოგზაურობას გეგმავს გონივრული იქნება ჩეხეთის დედაქალაქში ჩასასვლელად ავიაბილეთი როგორც მინიმუმ 7 თვით ადრე შეიძინოს. ამ შემთხვევაში ეკონომია მაქსიმალური იქნება ხელსაყრელ დროს დაჯავშნასთან შედარებით.



რაც შეეხება ხანგრძლივ გადაფრენებს მსოფლიოს ცნობილ ქალაქებში, ავიაბილეთების დაჯავშნა რეკომენდირებულია მგზავრობამდე 2-4 თვით ადრე. შრი-ლანკაზე თუ აპირებთ გამგზავრებას, მაშინ მოგზაურობა გაცილებით უფრო დეტალურად დაგეგმვას მოითხოვს: გამგზავრებამდე 5 თვით ადრე, ავიაბილეთები ამ მიმართულებით დაახლოებით 21%-ით იაფი ეღირება. რაც შეეხება ნიუ-იორკში ან ბალიზე გასამგზავრებელი ბილეთების დაჯავშნას, ამ შემთხვევაში შეგიძლიათ ეს საკითხი 2 თვით ადრე მოაგვაროთ და აღნიშნული მიმართულებით ავიაბილეთები 30%-მდე ფასდაკლებით შეიძინოთ.



გსურთ დარწმუნდეთ ნამდვილად მუშაობს თუ არა ავიაბილეთების წინასწარ ონლაინ-დაჯავშნის სისტემის გამოყენებით შეძენა? მაშინ ეწვიეთ price.ge-ს გვერდს, სადაც შეგიძლიათ მოიძიოთ თქვენთვის სასურველი მიმართულების ავიაბილეთები ყველაზე იაფად, დაზოგოთ თანხა და ისიამოვნოთ მოგზაურობით!

გისურვებთ მშვიდობიან ფრენას !