ავიაბილეთები ყველაზე იაფად

ყველა ავიაკომპანია ერთ საიტზე
განვადება
1  ზრდასრული 1

დუბაი

დუბაი - აღმოსავლეთში ცნობილი სავაჭრო ცენტრია. ცხელი ზაფხულის გარდა, დუბაიში კლიმატი თითქმის იდეალურია - მშრალი სუბტროპიკული. მზე და უღრუბლო ცა წელიწადის 360 დღეს. ტემპერატურა საშუალოდ 35 - 43° С, ცალკეულ დღეებში შეიძლება მიაღწიოს 48° С, ამიტომ ქალაქში ყველა შენობა, ტაქსი, ბაზრობები, სავაჭრო ცენტრები და დახლებიც კი კონდიციონერებით არის აღჭურვილი. დეკემბერი-იანვარი წვიმიანი პერიოდია. დუბაიში სტუმრობისთვის საუკეთესო დროა ოქტომბერი-აპრილი, როცა ჰაერის ტემპერატურა 20-30 გრადუსია.

 

დუბაი სწრაფად განვითარებადი კომერციული ცენტრია, სადაც ბიზნესისთვის უნიკალური პირობებია. ეს იდეალური ადგილია გამოფენების, კონფერენციების, სემინარებისა და კორპორატიული საღამოებისთვის. ბიზნეს-ვიზიტები დუბაიში განსაკუთრებით სასიამოვნოა, რამდენადაც წელიწადის ნებისმიერ დროს შესაძლებელია სამუშაოს და დასვენების შეთავსება.

 

დუბაი იდეალური ადგილია აქტიური დასვენების მოყვარულთათვის. იშვიათია ქვეყანა, სადაც ისეთივე პირობები და შესაძლებლობებია სპორტული გართობისთვის, როგორც აქ. პირველ რიგში აღსანიშნავია წყლისა და წყალქვეშა სპორტის სახეობები, დაწყებული ვინდსერფინგით, დამთავრებული დაივინგით.

 

დუბაიში ყოველწლიურად ტარდება სპორტული შეჯიბრი სპორტის ისეთ სახეობებში, როგორიცაა გოლფი, ჩოგბურთი, სადაც პრიზებად დაწესებულია საკმაოდ სოლიდური ფულადი ჯილდოები.

 

დუბაი ჯუმერიას რაიონი იდეალურია სანაპიროზე დასვენებისა და გარუჯვისთვის. აქვეა აკვა-პარკი Wild Wadi სადა 24 წყლს ატრაქციონია.

 

სანაპიროზე განთავსებულ სასტუმრო კომპლექსებს აქვთ სრულად გამართული ინფრასტრუქტურა. აქ უამრავი რესტორანი, კლუბი, კაფე და ბარია.

 

აღსანიშნავია ასევე ოჯახური დასვენების საკითხი - ეს ადგილი იდეალურია ასეთი ტიპის დასვენებისთვისაც, აქ ყველა პირობაა იმისათვის, რომ ბაშვები სრულფასოვნად გაერთონ.

 

დუბაი - არის ქალაქი, სადაც უნიკალური შესაძლებლობაა შოპინგისთვის. მხოლოდ აქ შეგიძლიათ ნახოთ სუპერთანამედროვე სავაჭრო ცენტრების უდიდესი რაოდენობა, აქ ხშირად ეწყობა შოპ-ფესტივალები და ყოველთვის არის ფასდაკლებები.

 

ღამის ცხოვრების მოყვარულთათვის სხვადასხვა სტილისა და ტრადიციის ბარებში, რესტორნებსა და კლუბებში კარი ყოველთვის ღიაა.

 

ყველაზე მოთხოვნად ტრანსპორტად დუბაიში ითვლება ტაქსი ან მანქანა გაქირავებით. ტურისტებისთვის ყველაზე საინტერესო ტრანსპორტის საშუალებაა წყლის ტაქსი, რომელიც არამარტო გადადგილების საშუალებად, არამედ ადგილობრივ ღირსშესანიშნაობადაც ითვლება.

 

ქალაქი პირობითად დაყოფილია ჩრდილოეთ და სამხრეთ ნაწილებად - დეირა და ბურდ დუბაი შესაბამისად. ყოველ მათგანში განლაგებულია უამრავი საინტერესო ღირსშესანიშნაობა, შენობა, რომელთა დათვალიერება ერთ დღეში უბრალოდ წარმოუდგენელია. 

 

 

ქალაქის ძირითადი ღირსშესანიშნაობებია:

 

ბურჯ-ხალიფა 

ამ ცათამბჯენმა მსოფლიო რეკორდი მოხნა სართულიანობისა და სიმაღლის მიხედვით. 

 

დუბაის აკვარიუმი

ეს აკვარიუმი მსოფლიოს უდიდესი აკვარიუმების რიცხვშია.

 

ვაილდ ვადის აკვაპარკი 

დუბაის აკვაპარკი პატარა დამსვენებლების უსაყვარლესი ადგილია.

 

პალმების კუნძულები

მსოფლიოში უდიდესი ხელოვნური არქიპელაგი.

 

სამთო სათხილამურო კურორტი Dubai Ski

ერთადერთი სამთო სათხილამურო კომპლექსია ახლო აღმოსავლეთში. ის მდებარეობს სავაჭრო ცენტრ Mall of Emirates-ის შენობაში და 5 ტრასისგან შედგება. შენობაში ტემპერატურა -5 გრადუსია.

 

 

საინტერესო ფაქტები დუბაიზე:

 

  • დუბაის მეტროში არსებობს ცალკე ვაგონები ქალებისთვის. მამაკაცებს იქ შესვლა სასტიკად ეკრძალებათ. წინააღმდეგ შემთხვევაში პოლიციასთან მოუწევთ ურთიერთბა.
  •  
  • სამუშაო კვირა დუბაიში შაბათს იწყება, ხოლო დასვენების დღეები არის ოთხშაბათს დღის მეორე ნახევრიდან ხუთშაბათის ჩათვლით.
  •  
  • ტურისტებისა და ადგილობრივი მაცხოვრებლების კომფორტისთვის მეტროში, ტაქსში, მაღაზიებში, გაჩერებებსა და ყველა სხვა შენობაში დამონტაჟებულია კონდიციონერი.
  •  
  • აეროპორტში ჩასვლისას, ქალაქში შემსვლელ ნებისმიერ ადამიანს ევალება გაიაროს თვალის ბადურის სკანირება. აღნიშნული ღონისძიება საჭიროა იმისათვის, რომ მოხდეს ქვეყნიდან დეპორტირებული პირების გამოვლენა მათი ქვეყანაში ხელახლა შეღწევის თავიდან აცილების მიზნით.
  •  
  • საზოგადოებრივი თავშეყრის ადგილებში ალკოჰოლის ჭარბი დოზის მიღების, მოწევის ან გამომწვევ ფორმაში სიარულისთვის შესაძლოა ციხეში აღმოჩნდეთ.

 

 

ასევე იხილეთ:   ბერლინი, ბარსელონა

ავიაბილეთების ონლაინ შეძენის უპირატესობები


მოგზაურობისთვის მზადებისას უდიდესი მნიშვნელობა აქვს დაგეგმვას, რომელშიც შედის ავიაბილეთების დაჯავშნისთვის ოპტიმალური დროის შერჩევა. ასევე მნიშვნელოვანი ფაქტორია ამ შემთხვევაში ბილეთების ონლაინ-დაჯავშნისა და შეძენის სისტემის გამოყენება, რადგან ფასები რადიკალურად განსხვავდება ხსენებულ სისტემასა და ავიაკომპანიების საიტებზე. გარდა ამისა, თქვენ შესაძლებლობა გეძლევად მარტივად მოიძიოთ და შეადაროთ სხვადასხვა შეთავაზებები, შეარჩიოთ თქვენთვის სასურველი მათგანი და რაც მთავარია - დაზოგოთ დრო!



როდის უნდა შეიძინოთ ავიაბილეთები პოპულარული ევროპული და სხვა მიმართულებებით?


თუ გარკვეული ხართ ამ საკითხში, მაშინ საზღვარგარეთ მოგზაურობისას ავიბილეთების ონლაინ-სისტემით შეძენისას თანხის როგორც მინიმუმ 50%-ს დაზოგავთ. ევროპულ ქალაქებში ძალიან ადრე ბილეთის დაჯავშნა საჭირო არ არის: ყველაზე ხელსაყრელია გამგზავრებამდე 3 თვით ადრე შეძენა. დროის ამ ინტერვალით არსებითი ეკონომია გამოდის მიუნხენის, ვენის და ბუდაპეშტის მიმართულების ბილეთების შეძენისას. მათთვის, ვინც პრაღაში მოგზაურობას გეგმავს გონივრული იქნება ჩეხეთის დედაქალაქში ჩასასვლელად ავიაბილეთი როგორც მინიმუმ 7 თვით ადრე შეიძინოს. ამ შემთხვევაში ეკონომია მაქსიმალური იქნება ხელსაყრელ დროს დაჯავშნასთან შედარებით.



რაც შეეხება ხანგრძლივ გადაფრენებს მსოფლიოს ცნობილ ქალაქებში, ავიაბილეთების დაჯავშნა რეკომენდირებულია მგზავრობამდე 2-4 თვით ადრე. შრი-ლანკაზე თუ აპირებთ გამგზავრებას, მაშინ მოგზაურობა გაცილებით უფრო დეტალურად დაგეგმვას მოითხოვს: გამგზავრებამდე 5 თვით ადრე, ავიაბილეთები ამ მიმართულებით დაახლოებით 21%-ით იაფი ეღირება. რაც შეეხება ნიუ-იორკში ან ბალიზე გასამგზავრებელი ბილეთების დაჯავშნას, ამ შემთხვევაში შეგიძლიათ ეს საკითხი 2 თვით ადრე მოაგვაროთ და აღნიშნული მიმართულებით ავიაბილეთები 30%-მდე ფასდაკლებით შეიძინოთ.



გსურთ დარწმუნდეთ ნამდვილად მუშაობს თუ არა ავიაბილეთების წინასწარ ონლაინ-დაჯავშნის სისტემის გამოყენებით შეძენა? მაშინ ეწვიეთ price.ge-ს გვერდს, სადაც შეგიძლიათ მოიძიოთ თქვენთვის სასურველი მიმართულების ავიაბილეთები ყველაზე იაფად, დაზოგოთ თანხა და ისიამოვნოთ მოგზაურობით!

გისურვებთ მშვიდობიან ფრენას !