ავიაბილეთები ყველაზე იაფად

ყველა ავიაკომპანია ერთ საიტზე
განვადება
1  ზრდასრული 1

ბარსელონა

კატალონიის მარგალიტი - ბარესლონა, მოსახლეობის რაოდენობის მიხედვით მეორე ქალაქია ესპანეთში, ის ავტონომიური ოლქისა და პროვინციის - კატალონიის დედაქალაქია. ბარსელონა საპორტო ქალაქია ხმელთაშუა ზღვაზე. ის ყველაზე აქტიური, სიცოცხლით სავსე და ესპანეთის ყველაზე "ევროპული" ქალაქია, რომლის მაცხოვრებლებიც ცნობილნი არიან ხელოვნების, განსაკუთრებით კი მუსიკის სიყვარულით. გარდა ამისა, ბარსელონა არის ქვეყნის ყველაზე დიდი სავაჭრო და ინდუსტრიული ქალაქი.

 

ღამის ცხოვრება ბარსელონაში საკმაოდ მრავალფეროვანია არამარტო მრავალრიცხოვანი გასართობი დაწესებულებების არსებობის, არამედ უცხოელი სტუდენტებისა და ტურისტების დიდი რაოდენობის გამოც. მის გოთიკურ კვარტალში შეხვდებით სხვადასხვა კლუბებს, ბარებს და კაფეებს. 

 

ბარსელონაში ხმელთაშუა ზღვის კლიმატია, მთლიანობაში საკმაოდ რბილი ზამთრის პერიოდში და თბილი ზაფხულში. ამინდი კატალონიის დედაქალაქში დასვენებისთვის საუკეთესო პირობებს ქმნის - ზაფხულის თვეებში არ არის მწველი სიცხე და საკმაოდ მშრალი ჰავაა, გაზაფხული და შემოდგომა შედარებით ნოტიო, ხოლო ზამთარი სუსხისა და ყინვის გარეშეა.

 

ბარსელონაში ფაქტიურად ყველა სახის საზოგადოებრივი ტრანსპორტის სახეობას შეხვდებით - მეტრო, ავტობუსი, ტაქსი, ტრამვაი, ფუნიკულორები. ქალაქის საერთაშორის აეროპორტი «ელ პრატი» ერთ-ერთი უმსხვილესია ხმელთაშუა ზღვის სანაპიროზე. გარდა ამისა, ბარსელონაში ძალიან კარგად არის მოწყობილი სარკინიგზო მიმოსვლა - სარკინიგზო ქსელი „Renfe“ ერთმანეთთან აკავშირებს ქალაქების უმრავლესობას კატალონიისა და მთელი ესპანეთის მასშტაბით.

 

ბარსელონა სრულიად სამართლიანად ითვლება ესპანეთის კულტურულ ცენტრად - აქ ცხოვრობდნენ და მოღვაწეობდნენ ისეთი ცნობილი პიროვნებები, როგორებიც იყვნენ პიკასო, ანტონიო გაუდი და სალვადორ დალი. ეპოქებისა და ჟანრების ყველაზე განსხვავებული სტილი ერთმანეთთან სწორედ აქ შეირწყა ჯადონსური კოქტეილის სახით, რომელიც ცნობიერების გაოგნებას იწვევს. ბარსელონაში არსებული ღირსშესანიშნაობების რაოდენობა იმდენად დიდია, რომ დროის მოკლე მონაკვეთში წარმოუდგენელია მათი დათვალიერება.

 

ქალაქის ყველაზე მეტად მონახულებადი მუზეუმია - პიკასოს მუზეუმი, სადაც თავმოყრილია მხატვრის მიერ ქალაქისთვისი ნაჩუქარი 900-ზე მეტი ნამუშევარი. ტურისტებს ასევე იზიდავს ქალაქის ოლიმპიური სტადიონი, სადაც ოლიმპიადის მუზეუმიცაა განთავსებული.

 

ბარსელონა მოდის სფეროშიც ცნობილია პარიზსა და მილანთან ერთად. ქალაქის მოედნებსა და ქუჩებში მრავლადაა ბუტიკები, დახლები და ბაზრობები. 10 იანვარს ბარსელონაში შოპინგის ბუმია,  რომელიც იწყება საშობაო, ძალიან დიდი ფასდაკლებების გამო. იგივე სიტუაციაა 5 ივლისის შემდეგ, როცა იწყება საზაფხულო ფასდაკლებები.

 

 

რჩევა:

 

*სპეციალურად ტურისტებისთვის ბარსელონაში ორგანიზებულია Bus Turistic საავტობუსო მარშრუტი, რომელიც შედგება 3 ხაზისგან და მოიცავს ქალაქის ძირითად ღირსშესანიშნაობებს. ავტობუსები წრეზე დადიან ყოველ 10-15 წუთში - თქვენ შეგიძლიათ ჩამოხვიდეთ ნებისმიერ გაჩერებაზე, სადაც მოგესურვებათ ამ ხაზის ფარგლებში და შემდეგ ექსკურსია გააგრძელოთ სხვა ავტობუსით. ყოველი მარშრუტი აღჭურვილია აუდიოგიდით სხვადასხვა ენებზე. თუ ბევრი დრო გაქვთ და გსურთ ბარსელონა კარგად დაათვალიეროთ, მაშინ ეს ვარიანტი საუკეთსოა თქვენთვის. თუმცა, ისიც უნდა აღინიშნოს, რომ ისეთ ქალაქში, როგორიც ბარსელონაა, საფეხმავლო ტური ყველაზე დიდი სიამოვნებაა.  

 

შეგიძლიათ ავიაბილეთები ბარსელონას მიმართულებით შეიძინოთ აქ

ავიაბილეთების ონლაინ შეძენის უპირატესობები


მოგზაურობისთვის მზადებისას უდიდესი მნიშვნელობა აქვს დაგეგმვას, რომელშიც შედის ავიაბილეთების დაჯავშნისთვის ოპტიმალური დროის შერჩევა. ასევე მნიშვნელოვანი ფაქტორია ამ შემთხვევაში ბილეთების ონლაინ-დაჯავშნისა და შეძენის სისტემის გამოყენება, რადგან ფასები რადიკალურად განსხვავდება ხსენებულ სისტემასა და ავიაკომპანიების საიტებზე. გარდა ამისა, თქვენ შესაძლებლობა გეძლევად მარტივად მოიძიოთ და შეადაროთ სხვადასხვა შეთავაზებები, შეარჩიოთ თქვენთვის სასურველი მათგანი და რაც მთავარია - დაზოგოთ დრო!



როდის უნდა შეიძინოთ ავიაბილეთები პოპულარული ევროპული და სხვა მიმართულებებით?


თუ გარკვეული ხართ ამ საკითხში, მაშინ საზღვარგარეთ მოგზაურობისას ავიბილეთების ონლაინ-სისტემით შეძენისას თანხის როგორც მინიმუმ 50%-ს დაზოგავთ. ევროპულ ქალაქებში ძალიან ადრე ბილეთის დაჯავშნა საჭირო არ არის: ყველაზე ხელსაყრელია გამგზავრებამდე 3 თვით ადრე შეძენა. დროის ამ ინტერვალით არსებითი ეკონომია გამოდის მიუნხენის, ვენის და ბუდაპეშტის მიმართულების ბილეთების შეძენისას. მათთვის, ვინც პრაღაში მოგზაურობას გეგმავს გონივრული იქნება ჩეხეთის დედაქალაქში ჩასასვლელად ავიაბილეთი როგორც მინიმუმ 7 თვით ადრე შეიძინოს. ამ შემთხვევაში ეკონომია მაქსიმალური იქნება ხელსაყრელ დროს დაჯავშნასთან შედარებით.



რაც შეეხება ხანგრძლივ გადაფრენებს მსოფლიოს ცნობილ ქალაქებში, ავიაბილეთების დაჯავშნა რეკომენდირებულია მგზავრობამდე 2-4 თვით ადრე. შრი-ლანკაზე თუ აპირებთ გამგზავრებას, მაშინ მოგზაურობა გაცილებით უფრო დეტალურად დაგეგმვას მოითხოვს: გამგზავრებამდე 5 თვით ადრე, ავიაბილეთები ამ მიმართულებით დაახლოებით 21%-ით იაფი ეღირება. რაც შეეხება ნიუ-იორკში ან ბალიზე გასამგზავრებელი ბილეთების დაჯავშნას, ამ შემთხვევაში შეგიძლიათ ეს საკითხი 2 თვით ადრე მოაგვაროთ და აღნიშნული მიმართულებით ავიაბილეთები 30%-მდე ფასდაკლებით შეიძინოთ.



გსურთ დარწმუნდეთ ნამდვილად მუშაობს თუ არა ავიაბილეთების წინასწარ ონლაინ-დაჯავშნის სისტემის გამოყენებით შეძენა? მაშინ ეწვიეთ price.ge-ს გვერდს, სადაც შეგიძლიათ მოიძიოთ თქვენთვის სასურველი მიმართულების ავიაბილეთები ყველაზე იაფად, დაზოგოთ თანხა და ისიამოვნოთ მოგზაურობით!

გისურვებთ მშვიდობიან ფრენას !